കാർബൺ ബഹിർഗമനം കുറയ്ക്കുന്നത് പ്രോത്സാഹിപ്പിക്കുന്ന ”സിഡിപി ക്ലൈമറ്റ്” അവാർഡ് റിലയൻസ് ജിയോയ്ക്ക്. ഇന്റർനാഷണൽ റേറ്റിംഗ് ഏജൻസി കാർബൺ ഡിസ്ക്ലോഷർ പ്രോജക്റ്റാണ് (സിഡിപി) റിലയൻസ് ജിയോയ്ക്ക് എ റേറ്റിംഗ് നൽകിയത്.
പരിസ്ഥിതി മേഖലയിൽ നേതൃത്വം കാണിക്കുന്ന കമ്പനികൾക്കാണ് സിഡിപി എ റേറ്റിംഗ് നൽകുന്നത്. കാലാവസ്ഥ വ്യതിയാനം നിയന്ത്രിക്കുന്നതിനും ജലസംരക്ഷണത്തിനുമുള്ള പദ്ധതികൾ കമ്പനി വികസിപ്പിച്ച് നടപ്പിലാക്കണം. പ്രവർത്തനങ്ങളും പ്രവർത്തന രീതികളും സിഡിപിയോട് വിശദമാക്കണം.
ജിയോയുടെ പരിസ്ഥിതി സംരക്ഷണത്തിനുള്ള കാഴ്ചപ്പാടും പ്രതിബദ്ധതയും കാർബൺ ബഹിർഗമനം കുറയ്ക്കുന്നതിൽ പ്രധാന പങ്ക് വഹിച്ചതായി ജിയോ വക്താവ് പറഞ്ഞു. ജിയോയ്ക്ക് ലഭിച്ച എ ഗ്രേഡ് സുസ്ഥിരതയോടും ഉത്തരവാദിത്തമുള്ള പ്രവർത്തനങ്ങളോടുമുള്ള സമർപ്പണത്തെ കാണിക്കുന്നുവെന്നും അദ്ദേഹം കൂട്ടിച്ചേർത്തു.
