തിരുവനന്തപുരം: ശ്രീപത്മനാഭസ്വാമി ക്ഷേത്രത്തിൽ പുതിയ പെരിയ നമ്പിയായി നിലവിലെ പഞ്ച ഗവ്യത്തു നമ്പി വാരിക്കാട് നാരായണൻ വിഷ്ണു സ്ഥാനമേൽക്കും. തൊടി സുബ്ബരായൻ സത്യനാരായണൻ പുതിയ പഞ്ച് ഗവ്യത്തു നമ്പിയാകും. നിലവിലെ പെരിയ നമ്പി അരുമണീതായ നാരായണൻ രാജേന്ദ്രൻ സ്ഥാമമൊഴിയുന്ന പശ്ചാത്തലത്തിലാണ് പുതിയ നിയമനം.
ഏറ്റുമാനൂർ, ഹരിപ്പാട്, കുമാരനല്ലൂർ, കിടങ്ങൂർ ക്ഷേത്രങ്ങളിൽ മേൽശാന്തിയായിരുന്ന വാരിക്കാട് നാരായണൻ വിഷ്ണു കഴിഞ്ഞ വർഷമാണ് ശ്രീപത്മനാഭസ്വാമി ക്ഷേത്രത്തിൽ പഞ്ച ഗവ്യത്തു നമ്പിയായി സ്ഥാനമേറ്റത്.
കർണാടകയിലെ കൊക്കട ഗ്രാമത്തിലെ അഡിയൈ സ്വദേശിയാണ് തൊടി സുബ്ബരായൻ സത്യനാരായണൻ. ആദ്യമായാണ് അദ്ദേഹം ശ്രീപത്മനാഭസ്വാമി ക്ഷേത്രത്തിൽ സേവ നടത്തുന്നത്.
പരമ്പരാഗതമായി 29 ഇല്ലങ്ങളിലെ ബ്രാഹ്മണരെയും കർണാടകയിലെ കൊക്കട ഗ്രാമക്കാരായ തുളു ബ്രാഹ്മണരെയുമാണ് ശ്രീപത്മനാഭസ്വാമി ക്ഷേത്രത്തിൽ പഞ്ച ഗവ്യത്തു നമ്പ, പഞ്ച ഗവ്യത്തു നമ്പി ചുമതലകൾക്കായി നിയോഗിക്കുന്നത്. ബ്രഹ് മചര്യ നിഷ്ഠയിൽ ഇനി ഒരു വർഷക്കാലം നമ്പിമാർ മഠത്തിൽ കഴിയും.
