ബാംഗ്ലൂർ ഡെയ്സിന്റെ ഹിന്ദി പതിപ്പിനെതിരെ ആരാധകർ. റീമേക്കിന്റെ പേരിൽ സിനിമയെ കളങ്കപ്പെടുത്തരുതെന്നാണ് ആരാധകർ ആവശ്യപ്പെടുന്നത്. ഹിന്ദി പതിപ്പിലെ ഒരു ഭാഗം സമൂഹമാദ്ധ്യമങ്ങളിൽ വൈറലായതോടെയാണ് സിനിമാ പ്രേക്ഷകർ പ്രതികരണവുമായി രംഗത്തെത്തിയത്.
കസിൻസ് തമ്മിലുള്ള ആത്മബന്ധത്തെയും സൗഹൃദത്തെയും ആഘോഷിക്കുന്ന സിനിമയെ റീമേക്ക് ചെയ്ത് നശിപ്പിച്ചെന്നാണ് ആരാധകരുടെ അഭിപ്രായം. ചിത്രത്തിലെ കഥാപാത്രങ്ങള് സഹോദരങ്ങള് ആണെങ്കിലും പ്രണയിതാക്കളെ പോലെയാണ് റീമേക്കിൽ പെരുമാറുന്നത്. സഹോദരങ്ങളാണെന്ന് ഓര്ക്കാതെയുള്ള ചിത്രീകരണമാണിതെന്നാണ് ആരാധകർ ഒന്നടങ്കം പറയുന്നത്. നസ്രിയയുടെ കഥാപാത്രമായ ദിവ്യ ഫഹദ് അവതരിപ്പിച്ച ദാസ് എന്ന കഥാപാത്രം അറിയാതെ കസിന്സിനൊപ്പം കറങ്ങാന് പോകുന്ന ഭാഗം ഹിന്ദിയിൽ അവതരിപിച്ചിരിക്കുന്നത് കണ്ടാണ് രൂക്ഷ വിമർശനം ഉയർന്നത്.
#BangloreDays Bollywood Remake 🤦
Dei 🥲pic.twitter.com/OKPKwy6B0S
— Southwood (@Southwoodoffl) June 17, 2024
അഞ്ജലി മേനോൻ സംവിധാനം ചെയ്ത ‘ബാംഗ്ലൂര് ഡേയ്സി’ന്റെ ഹിന്ദി റീമേക്ക് ‘യാരിയാന് 2’ എന്ന പേരിൽ ഇക്കഴിഞ്ഞ ഒക്ടോബറിലാണ് റിലീസായത്. തിയറ്ററിൽ പ്രതീക്ഷിച്ച വിജയം നേടാൻ കഴിയാതിരുന്ന സിനിമ 2024 ഏപ്രിലിലാണ് ഒടിടിയിൽ എത്തിയത്. 2.67 കോടി രൂപ മാത്രമാണ് ചിത്രം ബോക്സ് ഓഫീസില് നിന്നും നേടിയത്. മലയാളികളായ അനശ്വര രാജനും പ്രിയ വാര്യരും ചിത്രത്തിൽ പ്രധാന വേഷത്തിലെത്തിയിരുന്നു. രാധിക റാവു, വിനയ് സ്പറു എന്നിവർ ചേർന്നാണ് ചിത്രം സംവിധാനം ചെയ്തത്.
#BangloreDays Bollywood Remake 🤦#Yaariyan2pic.twitter.com/Gp8V8eEQ3m
— ബിനു ജോൺ 😎🤏 (@binu_bloods4) June 17, 2024
