മുംബൈ: പാർട്ടി പ്രവർത്തകനെകൊണ്ട് കാല് കഴുകിച്ച മഹാരാഷ്ട്ര കോൺഗ്രസ് അധ്യക്ഷൻ നാനാ പടോലെ മാപ്പുപറയണമെന്ന് ബിജെപി. പ്രവർത്തകനെക്കൊണ്ട് പടോലെ കാല് കഴുകിക്കുന്ന വീഡിയോ കഴിഞ്ഞ ദിവസം സമൂഹമാദ്ധ്യമങ്ങളിൽ വൈറലായിരുന്നു.
അകോല ജില്ലയിലാണ് സംഭവം നടന്നത് എന്നാണ് വിവരം. കാലുകൾ കഴുകുന്നതിന്റെ വീഡിയോ സോഷ്യൽ മീഡിയയിൽ പ്രചരിച്ചതോടെ കോൺഗ്രസും പടോലയും ഒരുപോലെ വിവാദത്തിലായി. മഴ പെയ്തതിനാൽ ചെളിപുരണ്ട കാൽ കഴുകാനായി വെള്ളം ആവശ്യപ്പെട്ടപ്പോൾ ഒരു പ്രവർത്തകൻ വെള്ളം കാലിൽ ഒഴിച്ച് നൽകിയെന്നാണ് നാനാ പടോലെയുടെ വിശദീകരണം.
സമൂഹമാദ്ധ്യമങ്ങളിൽ നിരവധിപേർ ഇതിനെതിരെ രംഗത്തെത്തിക്കഴിഞ്ഞു.
കോൺഗ്രസ് അധ്യക്ഷ്യന്റെ പ്രവൃത്തി ലജ്ജാകരമാണെന്നും പ്രവർത്തകരെ കോൺഗ്രസ് അപമാനിക്കുകയാണെന്നും ബിജെപി അഭിപ്രായപ്പെട്ടു. പടോലെ മാപ്പ് പറയണമെന്നും ബിജെപി ആവശ്യപ്പെട്ടു.
