സൂക്ഷിച്ചു നോക്കേണ്ടടാ ഉണ്ണി, ഇതിനകത്ത് ഒന്നും ഇല്ല; ലൈം സോഡ ഓർഡർ ചെയ്തപ്പോൾ കാലി കുപ്പി നൽകി സ്വിഗ്ഗി

ഫുഡ് ഡെലിവറി ആപ്പുകൾക്കും കമ്പനികൾക്കും സംഭവിക്കുന്ന അബദ്ധങ്ങളാണ് ദിനംപ്രതി സമൂഹമാദ്ധ്യമങ്ങളിൽ ഇടംപിടിക്കുന്നത്. അത്തരത്തിൽ സ്വിഗ്ഗിക്ക് പറ്റിയ ഒരു അമളിയാണ് ഇപ്പോൾ സമൂഹമാദ്ധ്യമങ്ങളിലെ ചർച്ചാ വിഷയം.

ഭക്ഷണം ഓർഡർ ചെയ്യുമ്പോൾ പല്ലിയും പഴുതാരയുമാണ് പലർക്കും കിട്ടിയതെങ്കിൽ എക്‌സ് ഉപഭോക്താവായ അരയ്ൻഷിന് കിട്ടിയത് ഒഴിഞ്ഞ സോഡ ലൈമിന്റെ കുപ്പിയാണ്. അതും ഭദ്രമായി പൊതിഞ്ഞാണ് സ്വിഗ്ഗി അരയ്‌നാഷിന് നൽകിയത്. ഇതോടെ ഇക്കാര്യം എക്‌സിലും ഇയാൾ പോസ്റ്റ് ചെയ്തു.

” ഒഴിഞ്ഞ ലൈം സോഡ കുപ്പി നൽകിയതിന് നന്ദി സ്വിഗ്ഗി, അടുത്ത ഓർഡറിലെങ്കിലും എന്റെ ലൈം സോഡ വരുമെന്ന് പ്രതീക്ഷിക്കുന്നു”.- അരയ്ൻഷ് കുറിച്ചു.

Thanks, Swiggy, for sending me a sealed empty glass. I hope my lime soda will come in another order. ❤️ pic.twitter.com/EsK9PBfYgy

— Aaraynsh (@aaraynsh) June 18, 2024

പോസ്റ്റ് സ്വഗ്ഗിയുടെ ശ്രദ്ധയിൽപ്പെട്ടതോടെ ഇതൊരു ഒറ്റപ്പെട്ട സംഭവമാണെന്നും അന്വേഷിക്കുമെന്നും സ്വിഗ്ഗിയും മറുപടിയുമായി എത്തി. എന്നാൽ നിങ്ങളുടെ മറുപടിക്ക് നന്ദിയെന്നും 120 രൂപയുടെ ലൈം സോഡയ്‌ക്ക് 80 രൂപ തിരിച്ചു കിട്ടിയിട്ടുണ്ടെന്നും അരയ്ൻഷും കുറിച്ചു. അരയ്ൻഷ്-സ്വിഗ്ഗി വാദങ്ങളിൽ മറ്റ് ഉപഭോക്താക്കളും നിരവധി അഭിപ്രായങ്ങളുമായി രംഗത്തെത്തിയിരുന്നു.