മുംബൈ: ഗായകൻ അമിത് കുമാർ നയിക്കുന്ന പീപ്പിൾസ് ആർട്ട് സെന്ററിന്റെ ‘യേ ശ്യം മസ്താനി’ ജൂൺ 29 ന് ശനിയാഴ്ച വൈകിട്ട് 7.30ന് ചെമ്പൂരിലെ ഫൈൻ ആർട്സ് ഓഡിറ്റോറിയത്തിൽ നടക്കും. മഹാരാഷ്‌ട്ര മുഖ്യമന്ത്രി ഏക്‌നാഥ് ഷിൻഡെ മുഖ്യാതിഥിയായിരിക്കും.
വജ്രേശ്വരിയിൽ വൃദ്ധസദനം നിർമിക്കുന്നതിനുള്ള ധനസമാഹരണത്തിനാണ് പരിപാടി നടത്തുന്നതെന്ന് സെന്റർ ചെയർമാൻ ഗോപകുമാർ പിള്ള പറഞ്ഞു. പതിറ്റാണ്ടുകളായി മുംബൈയുടെ സാംസ്‌കാരിക ഇടങ്ങളിൽ സജീവമായിട്ടുള്ള പീപ്പിൾസ് ആർട്ട്‌സ് സെന്റർ സംഘടിപ്പിക്കുന്ന 1,060-ാമത് പരിപാടിയാണിത്.
അമിത് കുമാറിന്റെ പിതാവായ കിഷോർ കുമാറിന്റെ ഗാനങ്ങളെയും അമിത് കുമാർ വേദിയിൽ അവതരിപ്പിക്കും. വിശദവിവരങ്ങൾക്ക് 9561795704 എന്ന നമ്പറിൽ ബന്ധപ്പെടുക.
