പ്രശസ്ത പിന്നണി ഗായിക ആശാ ഭോസ്ലെയുടെ ജീവചരിത്രം ‘സ്വരസ്വാമിനി ആശ’ പ്രകാശനം ചെയ്തു. 90 വയസ് പിന്നിട്ട ഗായികയുടെ ആദ്യകാല ജീവിതം, സംഗീത വിദ്യാഭ്യാസം, അപൂർവ ഫോട്ടോഗ്രാഫുകൾ എന്നിവ അടങ്ങുന്നതാണ് ജീവചരിത്രം. 90 എഴുത്തുകാരുടെ സംഭാവനകൾ ഉൾക്കൊള്ളുന്നതാണ് ‘സ്വരസ്വാമിനി ആശ’. ആർഎസ്എസ് സർസംഘചാലക് മോഹൻ ഭാഗവത്, മുംബൈ ബിജെപി അദ്ധ്യക്ഷൻ ആശിഷ് ഷേലാർ, പണ്ഡിറ്റ് ഹൃദയനാഥ് മങ്കേഷ്കർ, സോനു നിഗം, ആശാ ഭോസ്ലെയുടെ കൊച്ചുമകൾ ജനൈ ബോസ്ലെ, നടൻ ജാക്കി ഷ്റോഫ് എന്നിവരുടെ സാന്നിധ്യത്തിലായിരുന്നു ചടങ്ങ്.
#WATCH | Maharashtra: Singer Asha Bhosle's biography 'Swaraswamini Asha' was launched today, in Mumbai.
RSS chief Mohan Bhagwat, Mumbai BJP president Ashish Shelar, Pandit Hridaynath Mangeshkar and several other personalities were present at the event. pic.twitter.com/KfpLc7WSJu
— ANI (@ANI) June 28, 2024
ഗായകർ മറ്റുള്ളവരെ ആസ്വദിപ്പിക്കുക മാത്രമല്ല, സമൂഹത്തെ അനുകൂലമായി സ്വാധീനിക്കുകയും ചെയ്യുന്നുവെന്ന് ആർഎസ്എസ് സർസംഘചാലക് ചടങ്ങിൽ പ്രതികരിച്ചു. ചടങ്ങിൽ പങ്കെടുത്ത ഗായകൻ സോനു നിഗം ആശാ ഭോസ്ലെയോടുള്ള ബഹുമാനാർത്ഥം അവരുടെ കാലുകൾ കഴുകിയാണ് ആദരവ് പ്രകടിപ്പിച്ചത്. പ്രകാശന ചടങ്ങിന് തൊട്ടുമുൻപായിരുന്നു സോനു നിഗം ആശാ ഭോസ്ലെയുടെ പാദപൂജ ചെയ്തത്. തന്റെ ഗുരുവിന്റെ ഇരുപാദങ്ങളിലും ചുംബിച്ചതിന് ശേഷം അവരുടെ കാലുകൾ സോനു നിഗം പനിനീരിൽ കഴുകി. ഗുരു-ശിഷ്യ ബന്ധത്തിന്റെ അപൂർവ നിമിഷത്തിനായിരുന്നു പുസ്തക പ്രകാശന വേദി സാക്ഷിയായത്. ഹൃദയസ്പർശിയായ രംഗത്തിന്റെ ദൃശ്യങ്ങൾ സോഷ്യൽ മീഡിയയിലും വൈറലാവുകയാണ്.
#WATCH | Maharashtra: During the biography launch of Singer Asha Bhosle, Singer Sonu Nigam washed her feet as an expression of his respect and gratitude towards her. https://t.co/2F5FKbsZRT pic.twitter.com/6shtVKQpKp
— ANI (@ANI) June 28, 2024
