കേന്ദ്രമന്ത്രി സുരേഷ് ഗോപിക്കു പിറന്നാൾ ആശംസിച്ചതിന്റെ പേരിൽ സമൂഹ മാദ്ധ്യമങ്ങളിൽ നടൻ ഷമ്മി തിലകനു നേരെ അതിരൂക്ഷ സൈബർ ആക്രമണമാണുണ്ടായത് . ഷമ്മി പോസ്റ്റ് ചെയ്ത ചിത്രത്തിന്റെ കമന്റ് വിഭാഗത്തിലാണ് സുരേഷ് ഗോപിയെ പിന്തുണച്ചതിന് രൂക്ഷ കമന്റുകൾ പ്രത്യക്ഷപ്പെട്ടത്. തന്നെ വിമർശിക്കാനെത്തിയ പലർക്കും ചുട്ട മറുപടി നൽകാനും ഷമ്മി മറന്നില്ല.
മരിച്ചു പോയ നടൻ തിലകനെ പോലും പരാമർശിച്ചായിരുന്നു പല കമന്റുകളും . അത്തരത്തിലൊരു കമന്റിന് ഷമ്മി തിലകൻ നൽകിയ മറുപടിയാണ് ഇപ്പോൾ വൈറലാകുന്നത് . ‘താങ്കളിൽ നിന്നും ഇത്രയും പ്രതീക്ഷിച്ചില്ല. കാരണം നിങ്ങൾക്ക് അവരാരെങ്കിലും നല്ലൊരു അവസരം ഉണ്ടാക്കി തന്നിട്ടില്ല’ എന്ന വിമർശനത്തിന് ‘ആ ഇവരിൽ സുരേഷ് ജിയെ ഉൾപ്പെടുത്തേണ്ടതില്ല. ഉണ്ടാക്കി തന്നിട്ടില്ലായിരിക്കാം, എന്നാൽ മണ്ണുവാരിയിട്ടിട്ടില്ല’ എന്നായിരുന്നു ഷമ്മി തിലകന്റെ മറുപടി.
തൃശൂരിൽ നിന്നും വമ്പൻ ഭൂരിപക്ഷത്തോടെ ലോക്സഭാ തെരഞ്ഞെടുപ്പ് വിജയിച്ചപ്പോഴും ഷമ്മി പിന്തുണ പോസ്റ്റുമായി എത്തിയിരുന്നു. സുരേഷ് ജീ… നിങ്ങൾ പൊളിയാണ്…! അഭിനന്ദനങ്ങൾ…!’ എന്നായിരുന്നു ഷമ്മി പറഞ്ഞത്.
