ബാർബഡോസ് : ടി 20 ലോകകപ്പ് ഫൈനലിൽ ഇന്ത്യയുടെ വിജയത്തിൽ നിർണ്ണായക പങ്കുവഹിച്ച വിരാട് കോലിയെ അനുമോദിച്ചു കൊണ്ടുള്ള പ്രധാനമന്ത്രി നരേന്ദ്ര മോദിയുടെ അഭിനന്ദന സന്ദേശത്തിനു നന്ദിയറിയിച്ച് കിംഗ് കോഹ്ലി. ” താങ്കളുടെ നല്ല വാക്കിനും പിന്തുണയ്ക്കും പ്രോത്സാഹനത്തിനും നന്ദി. കപ്പ് നേടിയ ഈ ടീമിന്റെ ഭാഗമാകാൻ കഴിഞ്ഞത് ഭാഗ്യമായി കരുതുന്നു “. മുഴുവൻ രാജ്യത്തിന്റെയും സന്തോഷം ഞങ്ങളെ ആഴത്തിൽ സ്പർശിക്കുകയും സന്തോഷിപ്പിക്കുകയും ചെയ്യുന്നതായും കോലി പറഞ്ഞു.
Dear @narendramodi sir, thank you so much for your very kind words and your support and encouragement always. It has been a privilege to be a part of this team which has brought the cup home. We are deeply touched & overwhelmed with the happiness it has bought the entire nation. https://t.co/dpKiJiMFih
— Virat Kohli (@imVkohli) July 1, 2024
ടി 20 ലോക കപ്പ് വിജയത്തിന് പിന്നാലെ നാനാ ഭാഗത്തുനിന്നും ആശംസ പ്രവാഹമാണ് ടീം ഇന്ത്യയ്ക്ക് ലഭിക്കുന്നത്. പ്രധാനമന്ത്രി നരേന്ദ്രമോദിയും ഇന്ത്യൻ ടീമിനും ഒപ്പം ഫൈനലിൽ തിളങ്ങിയ വിരാട് കൊഹ്ലിക്കും ആശംസകളറിയിച്ച് രംഗത്തെത്തിയിരുന്നു. കോലിയുടെ ഫൈനലിലെ ഇന്നിംഗ്സ് മികച്ചതായിരുന്നെന്നും ടി 20 ക്രിക്കറ്റ് താങ്കളെ മിസ് ചെയ്യുമെന്നും പുതിയ തലമുറയിലെ കളിക്കാരെ താങ്കൾ തുടർന്നും പ്രചോദിപ്പിക്കുമെന്ന് വിശ്വസിക്കുന്നതായും പ്രധാനമന്ത്രി ട്വീറ്റ് ചെയ്തിരുന്നു. ഈ ട്വീറ്റിനുള്ള മറുപടിയായാണ് വിരാട് കോഹ്ലിയുടെ ട്വീറ്റ്.
ഫൈനലിൽ കോലിയുടെ ( 59 പന്തിൽ 76) മികച്ച ഇന്നിങ്സാണ് പൊരുതാവുന്ന സ്കോർ ഇന്ത്യക്ക് സമ്മാനിച്ചത്. ഇന്ത്യൻ ബൗളിംഗ് നിരയുടെ മികച്ച പ്രകടനം കൂടിയായപ്പോൾ ദക്ഷിണാഫ്രിക്കക്കെതിരെ 7 റൺസിന്റെ മിന്നും വിജയം നേടുന്നതിനോടൊപ്പം ഐ സി സി കിരീടത്തിനായുള്ള 11 വർഷത്തെ കാത്തിരിപ്പിനും വിരാമമിടുകയായിരുന്നു.
