ബെംഗളൂരു: ആവേശം മോഡലിൽ എകെ 47 തോക്ക് ഉപയോഗിച്ച് റീൽസെടുത്ത ഇൻസ്റ്റഗ്രാം ഇൻഫ്ളുവൻസർ ബെംഗളൂരുവിൽ അറസ്റ്റിൽ. അരുൺ കടാരെയെന്ന ഇൻഫ്‌ളുവൻസറെയാണ് കോതനൂർ പൊലീസ് അറസ്റ്റ് ചെയ്തത്. ആയുധ നിയമപ്രകാരമാണ് ഇയാൾക്കെതിരെ കേസെടുത്തിരിക്കുന്നത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
വ്യാജ എകെ 47 തോക്കുകളും അംഗരക്ഷകരുമായി ചേർന്നുള്ള റീലാണ് ഇൻഫ്ളുവൻസർ ഇൻസ്റ്റഗ്രാമിൽ പോസ്റ്റ് ചെയ്തത്. റീൽ ശ്രദ്ധയിൽപ്പെട്ട പൊലീസ് ജനങ്ങളിൽ പരിഭ്രാന്തി സൃഷ്ടിക്കാൻ ശ്രമിച്ചെന്ന് കാട്ടിയാണ് ഇയാൾക്കെതിരെ സ്വമേധയാ കേസെടുത്തത്.
ബെംഗളൂരു സിറ്റി പൊലീസ് ഇൻഫ്‌ളുവൻസറെ അറസ്റ്റ് ചെയ്തതിന് ശേഷം പൊതുജനങ്ങൾക്കിടയിൽ അവബോധം സൃഷ്ടിക്കുന്നതിനായി റീലും പങ്കുവച്ചു. കടാരെയുടെ റീലാണ് ലൈക്കുകൾ വിലങ്ങായി മാറുമ്പോൾ എന്ന അടിക്കുറിപ്പോടെ പങ്കുവച്ചിരിക്കുന്നത്.
That moment when ‘likes’ turn into ‘cuffs’. Bengaluru City Police doesn’t just watch; we act#WeServeWeProtect pic.twitter.com/YKMTefvxvl
— ಬೆಂಗಳೂರು ನಗರ ಪೊಲೀಸ್ BengaluruCityPolice (@BlrCityPolice) July 2, 2024
“>
