മഹീന്ദ്ര ആൻഡ് മഹീന്ദ്രയുടെ ജനപ്രിയ എസ്യുവിയായ മഹീന്ദ്ര സ്കോർപിയോ എൻ പുതിയ ഫീച്ചറുകളോടെ അപ്ഡേറ്റ് ചെയ്തു. പുതിയ ഫീച്ചറുകളുമായി എത്തുന്നു. മഹീന്ദ്ര സ്കോർപിയോ N, Z8 Select, Z8, Z8 L എന്നീ മൂന്ന് വേരിയൻ്റുകളിൽ മാത്രമാണ് പുതിയ ഫീച്ചറുകൾ ഉൾപ്പെടുത്തിയിരിക്കുന്നത്.
മഹീന്ദ്ര സ്കോർപിയോ N Z8 സെലക്ട്, Z8 വേരിയൻ്റുകളിൽ, സെൻ്റർ കൺസോളിനായി കമ്പനി ഒരു പുതിയ ഹൈ-ഗ്ലോസ് ഫിനിഷാണ് ഉപയോഗിച്ചിരിക്കുന്നത്, കൂടാതെ ഈ വേരിയൻ്റുകളിൽ വയർലെസ് ചാർജിംഗ് പാഡും ചേർത്തിട്ടുണ്ട്.
മെച്ചപ്പെട്ട സൗകര്യത്തിനായി മഹീന്ദ്ര സ്കോർപിയോ Z8 L-ൽ ഇപ്പോൾ വെൻ്റിലേറ്റഡ് സീറ്റുകൾ ചേർത്തിട്ടുണ്ട്. ഇതിനുപുറമെ, ഓട്ടോ-ഡിമ്മിംഗ് റിയർവ്യൂ മിററും, വയർലെസ് ചാർജിംഗ് പാഡും ഉൾപ്പെടുത്തിയിട്ടുണ്ട്. ഇതുകൂടാതെ, ഇതുവരെ Z8 സെലക്ട് വേരിയൻ്റിൽ മാത്രം ലഭ്യമായിരുന്ന മിഡ്നൈറ്റ് ബ്ലാക്ക് കളർ പെയിൻ്റ് സ്കീം ‘Z8’ ട്രിമ്മിലുടനീളം വാഗ്ദാനം ചെയ്യുന്നു
മഹീന്ദ്ര സ്കോർപിയോ-എൻ അപ്ഡേറ്റ് ചെയ്തിട്ടും കമ്പനി വില വർധിപ്പിച്ചിട്ടില്ല . മഹീന്ദ്ര സ്കോർപിയോ N Z8 സെലക്ട്, Z8, Z8 L വേരിയൻ്റുകളുടെ പ്രാരംഭ വില യഥാക്രമം 17.10 ലക്ഷം രൂപ (എക്സ് ഷോറൂം), 18.74 ലക്ഷം രൂപ (എക്സ് ഷോറൂം), 20.37 ലക്ഷം രൂപ (എക്സ് ഷോറൂം) എന്നിങ്ങനെയാണ്.
