സംവിധായകൻ നാഗ് അശ്വിൻ ഇപ്പോൾ തന്റെ ഏറ്റവും പുതിയ ചിത്രമായ ‘കൽക്കി 2898 എഡി’യുടെ വിജയാഘോഷത്തിലാണ്. പ്രഭാസ്, ദീപിക പദുക്കോൺ, അമിതാഭ് ബച്ചൻ, കമൽഹാസൻ എന്നിവരെ ഉൾപ്പെടുത്തിയ ഈ ചിത്രം ബോക്‌സോഫീസിൽ വമ്പൻ ഹിറ്റായി തുടരുകയാണ്.
ഇപ്പോഴിതാ സ്വകാര്യ മാദ്ധ്യമത്തിന് നൽകിയ അഭിമുഖത്തിൽ തന്റെ അടുത്ത പ്രൊജക്ടിനായി മഹാഭാരതത്തിന്റെ സ്വാധീനത്തെ പറ്റി പഠിക്കുമെന്നാണ് തന്റെ നാഗ് അശ്വിൻ പറയുന്നത് . മഹാഭാരത ഘടകങ്ങൾ ഉൾപ്പെടുത്തിയാൽ മാത്രമേ തന്റെ അടുത്ത ചിത്രം പൂർണ്ണമാകൂ . സമ്പൂർണ്ണ മഹാഭാരതം സിനിമ സൃഷ്ടിക്കുന്നത് ഉടനടി തന്റെ അജണ്ടയിൽ ഇല്ലെന്നും അദ്ദേഹം പറഞ്ഞു.
സയൻസ് ഫിക്ഷനുമായി ബന്ധപ്പെട്ട മഹാഭാരത ഘടകം ചിത്രത്തിന്റെ വേറിട്ട സവിശേഷതയാണ്. മഹാഭാരത സിനിമയ്‌ക്ക് അനുയോജ്യമായ സംവിധായകൻ എന്നും രാജമൗലി തന്നെയാണ് . ‘ബാഹുബലി’, ‘ആർആർആർ’ തുടങ്ങിയ ബ്ലോക്ക്ബസ്റ്റർ ഹിറ്റുകളുടെ പിന്നിലെ നട്ടെല്ലായ രാജമൗലിയ്ക്ക് മാത്രമേ അങ്ങനെയൊരു ചിത്രം എടുക്കാനാകൂ.
“രാജമൗലി സാറിന് അത് ഗംഭീരമാക്കാനാകുമെന്ന് ഞാൻ കരുതുന്നു; അദ്ദേഹം അത് ചെയ്യണമെന്ന് ഞാൻ ആഗ്രഹിക്കുന്നു. സങ്കീർണ്ണമായ ഒരു കഥയായതിനാൽ അതിനോട് അഭിനിവേശവും സ്നേഹവും ആവശ്യമാണ് , കുരുക്ഷേത്ര മഹാഭാരത യുദ്ധത്തിന് 6000 വർഷങ്ങൾക്ക് ശേഷമുള്ള, ഇരുണ്ട ശക്തികളാൽ അടിച്ചമർത്തപ്പെട്ട ഒരു ലോകത്തെ ചിത്രീകരിക്കുന്ന ഒരു ഡിസ്റ്റോപ്പിയൻ ഭാവിയിലാണ് ചിത്രം ഒരുക്കിയിരിക്കുന്നത്.“ – നാഗ് അശ്വിൻ പറയുന്നു.
