പാരിസ് ഒളിമ്പിക്സിനുള്ള ഇന്ത്യൻ സംഘത്തിന് ആശംസകൾ നേർന്ന് പ്രധാനമന്ത്രി നരേന്ദ്രമോദി. താരങ്ങളുമായുള്ള സംവാദത്തിന്റെ വീഡിയോയും ചിത്രങ്ങളും പ്രധാനമന്ത്രി സമൂഹമാദ്ധ്യമങ്ങളിൽ പങ്കുവച്ചിട്ടുണ്ട്. ടോക്കിയോ ഒളിമ്പിക്സിലെ മെഡൽ ജേതാക്കളായ നീരജ് ചോപ്ര, നിഖാത് സരീൻ, പിവി സിന്ധു ഉൾപ്പെടെയുള്ള താരങ്ങളുമായാണ് പ്രധാനമന്ത്രി സംസാരിച്ചത്. പാരീസ് ഒളിമ്പിക്സിൽ പങ്കെടുക്കാനൊരുങ്ങുന്ന സംഘം രാജ്യത്തിന് അഭിമാനമാകുമെന്നും 140 കോടി ജനങ്ങളുടെ അഭിലാഷങ്ങൾ നിറവേറ്റുമെന്നും പ്രധാനമന്ത്രി പറഞ്ഞു. 120 അംഗ സംഘമാണ് പാരിസ് ഒളിമ്പിക്സിൽ ഇന്ത്യയെ പ്രതിനിധീകരിക്കുക.
A memorable interaction with our contingent for Paris Olympics. Let us all #Cheer4Bharat.https://t.co/64fPsDNuRB
— Narendra Modi (@narendramodi) July 5, 2024
“>
”പാരിസ് ഒളിമ്പിക്സിന് തയ്യാറെടുക്കുന്ന ഇന്ത്യൻ സംഘവുമായി സംസാരിച്ചു. അവർ മെഡൽ നേടുമെന്നും രാജ്യത്തിന്റെ അഭിമാനമായി തീരുമെന്നും ഉറപ്പുണ്ട്. 140 കോടി ജനങ്ങളെ പ്രതിനിധീകരിച്ചാണ് അവർ പാരിസിൽ മത്സരിക്കുന്നതെന്ന്” പ്രധാനമന്ത്രി എക്സിൽ കുറിച്ചു. ആർച്ചറി, അത്ലറ്റിക്സ്, ഷൂട്ടിംഗ്, സപ്പോർട്ടിംഗ് സ്റ്റാഫ് എന്നിവരുടെ സംഘവുമായാണ് പ്രധാനമന്ത്രി സംസാരിച്ചത്. കായിക മന്ത്രി മൻസുഖ് മാണ്ഡവ്യ, സഹമന്ത്രി രക്ഷാധികാരി ഖഡ്സെ, ഇന്ത്യൻ ഒളിമ്പിക് അസോസിയേഷൻ അദ്ധ്യക്ഷൻ പി ടി ഉഷ എന്നിവരും സംഘത്തോടൊപ്പമുണ്ടായിരുന്നു.
Interacted with our contingent heading to Paris for the @Olympics. I am confident our athletes will give their best and make India proud. Their life journeys and success give hope to 140 crore Indians. pic.twitter.com/OOoipJpfUb
— Narendra Modi (@narendramodi) July 4, 2024
“>
പരിശീലനം മികച്ച രീതിയിൽ നടക്കുന്നുണ്ടെന്ന് ടോക്കിയോ ഒളിമ്പിക്സിലെ സ്വർണ മെഡൽ ജേതാവ് നീരജ് ചോപ്ര പ്രധാനമന്ത്രിയോട് പറഞ്ഞു. ” പരിശീലനം മികച്ച രീതിയിലാണ് മുന്നോട്ട് പോകുന്നത്. പരിക്ക് കാരണം ചില ടൂർണമെന്റുകൾ നഷ്ടമായി. പൂർണ ആരോഗ്യവാനാണ് താനെന്നും അവസാനഘട്ട തയ്യാറെടുപ്പിന് ഇനി മാസങ്ങൾ മാത്രമാണ് ബാക്കിയുള്ളതെന്നും ചോപ്ര വ്യക്തമാക്കി.
