തെലുങ്ക് നടൻ രാജ് തരുൺ തന്റെ ലിവ് ഇൻ പങ്കാളിയെ വഞ്ചിച്ചതായി പരാതി. വിവാഹ വാഗ്ദാനം നൽകി തന്നെ വഞ്ചിച്ചെന്ന് കാമുകി ലാവണ്യ നർസിംഗിയാണ് പൊലീസ് സ്റ്റേഷനിൽ പരാതി നൽകിയത്. നരാജ് തരുൺ പുതിയ സിനിമയിലെ നായികയുമായി റിലേഷനിലാണെന്നാണ് ലാവണ്യയുടെ വെളിപ്പെടുത്തൽ.
പതിനൊന്ന് വർഷമായി ഇരുവരും തമ്മിൽ പ്രണയത്തിലാണെന്നും ഒരു ക്ഷേത്രത്തിൽ രഹസ്യമായി വിവാഹം കഴിച്ച്, ഒരുമിച്ചായിരുന്നു താമസമെന്നുമാണ് ലാവണ്യ പരാതിയിൽ പറയുന്നത്. മൂന്നുമാസം മുമ്പാണ് നടൻ ലാവണ്യയുടെ വീട്ടിൽ അവസാനമായി വന്നതെന്നും യുവ നടിയുമായി പ്രണയത്തിലായതോടെയാണ് മാറ്റങ്ങൾ സംഭവിച്ചതെന്നുമാണ് ലാവണ്യ പറയുന്നത്.
പ്രണയ ബന്ധം ഉപേക്ഷിക്കണമെന്ന് പറഞ്ഞ് രാജ് തരുൺ ഭീഷണിപ്പെടുത്തിയതായും ലാവണ്യ പറയുന്നു.
