‘കരിക്ക്’ താരം ജീവൻ സ്റ്റീഫനും പ്രതിശ്രുത വധു റിയ സൂസനും തമ്മിലുള്ള വിവാഹനിശ്ചയം കഴിഞ്ഞു. കരിക്കിലെ സഹതാരമായ അർജുൻ രത്തനാണ് സമൂഹമാദ്ധ്യമങ്ങളിലൂടെ വിവാഹ നിശ്ചയ വാർത്ത പുറത്തു വിട്ടത്. ചടങ്ങിൽ നിന്നുള്ള ചിത്രങ്ങളും അർജുൻ പങ്കുവച്ചിട്ടുണ്ട്. ‘ഹാപ്പിലി എൻഗേജ്ഡ്, നിങ്ങളുടെ ജീവിതത്തിന് ആശംസകൾ’ എന്ന കുറിപ്പോടെയാണ് അർജുൻ ചിത്രങ്ങൾ പങ്കുവച്ചത്.
നിരവധി പേരാണ് വിവാഹ നിശ്ചയം കഴിഞ്ഞ ഇരുവർക്കും ആശംസകളുമായി എത്തുന്നത്. കരിക്കിന്റെ ഒട്ടുമിക്ക സീരീസുകളിലും അർജുൻ അഭിനയിച്ചിട്ടുണ്ട്. താരത്തിന്റെ സംഭാഷണങ്ങൾക്കും അഭിനയത്തിനും മികച്ച പ്രേക്ഷക സ്വീകാര്യതയാണുള്ളത്.
കരിക്ക് സീരീസിന് പുറമെ, ആൽബങ്ങളിലും ജീവൻ അഭിനയിച്ചിട്ടുണ്ട്. ഐ ടി പ്രൊഫഷണലായിരുന്ന ജീവൻ അഭിനയത്തിനോടുള്ള താല്പര്യം കാരണമാണ് ജോലി ഉപേക്ഷിച്ച് ‘കരിക്ക് ‘ ടീമിനൊപ്പം ചേർന്നത്.
