അനന്ത് അംബാനിയുടേയും രാധിക മെർച്ചന്റിന്റേയും വിവാഹം കെങ്കേമമാക്കാൻ എത്തിയതിന്റെ ദൃശ്യങ്ങൾ സമൂഹമാദ്ധ്യമങ്ങളിൽ പങ്കുവച്ച് പോപ് ഗായകൻ ജസ്റ്റിൻ ബീബർ. അനന്തിന്റെയും രാധികയുടേയും ഒപ്പം നിൽക്കുന്ന ചിത്രങ്ങളാണ് ജസ്റ്റിൻ ബീബർ പങ്കുവച്ചത്. സംഗീത നിശയിൽ നിന്നുള്ള ചിത്രങ്ങളും വീഡിയോകളും ജസ്റ്റിൻ ബീബർ പങ്കുവച്ചിട്ടുണ്ട്.
View this post on Instagram
അനന്ത് അംബാനിയുടെയും രാധിക മെർച്ചന്റിന്റേയും വിവാഹത്തിന് മുന്നോടിയായിട്ടുളള സംഗീതിനാണ് ജസ്റ്റിൻ ബീബർ പാടിയത്. ജൂലൈ 5-ന് മുംബൈയിൽ നടന്ന പരിപാടിയിൽ ബോളിവുഡിൽ നിന്നുള്ള താരങ്ങളെല്ലാം പങ്കെടുത്തിരുന്നു. ബീബറിന്റെ ഗാനങ്ങളെല്ലാം വലിയ ആവേശത്തോടെ ആസ്വദിക്കുന്ന താരങ്ങളെയും വീഡിയോയിൽ കാണാം.
View this post on Instagram
തന്റെ ഹിറ്റ് ലിസ്റ്റുകളായ ബേബി,’ ‘പീച്ച്‌സ്,’ ‘ലവ് യുവർസെൽഫ്’, ‘സോറി’ എന്നിവയാണ് ബീബർ അവതരിപ്പിച്ചത്. ഏകദേശം 83 കോടി രൂപയാണ് അംബാനി ബീബറിനായി ചെലവഴിക്കുന്നതെന്ന അഭ്യൂഹങ്ങളും ഉയർന്നിരുന്നു.
View this post on Instagram
കഴിഞ്ഞ ഫെബ്രുവരിയിലായിരുന്നു വിവാഹാഘോഷങ്ങൾക്ക് തുടക്കമായത്. ഗുജറാത്തിലെ ജാംനഗറിലാണ് മൂന്ന് ദിവസം നീണ്ടുനിന്ന ആഘോഷങ്ങൾ നടന്നത്. രണ്ടാമത്തെ ആഘോഷങ്ങൾ ഇറ്റലിയിലെ ആഡംബര ക്രൂയിസ് കപ്പലിലാണ് നടന്നത്. വിവാഹത്തിന് തൊട്ടു മുമ്പുള്ള ചടങ്ങുകളാണ് ഇപ്പോൾ നടക്കുന്നത്. ജൂലൈ 12 നാണ് ഇരുവരുടെയും വിവാഹം നടക്കുന്നത്. ജൂലൈ 14ന് ഇവരുടെ വിവാഹ സൽക്കാരം നടക്കും.
