ഒരു ബിഎംഡബ്ല്യൂ കാറിന് ഏകദേശം എത്ര വില വരും? 45 ലക്ഷത്തിന് മുകളിലായിരിക്കും ഈ കാറുകളുടെ വില വരുന്നത്. എന്നാൽ ഇതിനെക്കാൾ വില വരുന്ന ഒരു പ്രാണിയുണ്ടെന്ന് പറഞ്ഞാൽ നിങ്ങൾ വിശ്വസിക്കുമോ? ലോകത്തിലെ ഏറ്റവും വിലയേറിയ ഒരു കുഞ്ഞൻ വണ്ട് ഉണ്ട്. വില എത്രയെന്ന് അല്ലേ? 75 ലക്ഷം രൂപ. എന്തായിരിക്കും ഈ പ്രാണിക്കിത്ര വില വരാൻ കാരണം ? അറിയാം..
ഉഷ്ണമേഖലകളിൽ കണ്ടുവരുന്ന ഒരു തരം വണ്ടുകളാണ് സ്റ്റാഗ് വണ്ടുകൾ. വനപ്രദേശങ്ങളിലും ഉഷ്ണമേഖലാ പൂന്തോട്ടങ്ങളിലുമായാണ് ഇവയെ കൂടുതലായും കാണപ്പെടുന്നത്. പൊതുവെ തണുപ്പിനോട് ഇവ പൊരുത്തപ്പെടാറില്ല. 2 ഗ്രാം മുതൽ 6 ഗ്രാം വരെയാണ് ഇവയുടെ ഭാരം വരുന്നത്. 30 മുതൽ 50 മില്ലിമീറ്റർ വരെയാണ് ഇവയുടെ നീളം. മൂന്ന് വർഷം മുതൽ 7 വർഷം വരെയുള്ള ചുരുങ്ങിയ ജീവിത കാലയളവാണ് ഈ പ്രാണികൾക്കുള്ളത്. എങ്കിലും വിദേശ രാജ്യങ്ങളിൽ ഇവയ്ക്ക് 75 ലക്ഷം രൂപയാണ് വിലയിട്ടിയിരിക്കുന്നത്.
നിരവധി പഠനങ്ങൾക്ക് ഉപയോഗിക്കുന്ന ഒരു പ്രാണിയാണിത്. ഇവയെ കുറിച്ചുള്ള പഠനങ്ങൾ ഇപ്പോഴും വിവിധ രാജ്യങ്ങളിൽ തുടരുന്നു. എന്നാൽ ചിലർ ഈ പ്രാണികളെ ഒരു ഭാഗ്യ ചിഹ്നമായി കണക്കാക്കുന്നു. വളര വിരളമായി കാണപ്പെടുന്ന ഇവയ്ക്ക് അതിനാൽ തന്നെ വിലയുമേറുന്നു.
ഉണങ്ങിയ മരങ്ങളിലെ നീര്, ചീഞ്ഞ പഴങ്ങളുടെ നീര് മുതലായവയാണ് ഇവയുടെ പ്രധാന ഭക്ഷണം. അതിനാൽ ഇവ സസ്യജാലങ്ങൾക്കോ പഴവർഗങ്ങൾക്കോ ഭീഷണിയല്ലെന്നാണ് പഠനങ്ങളിൽ പറയുന്നത്.
