മുംബൈ: വ്യവസായ പ്രമുഖനായ മുകേഷ് അംബാനിയുടെ മകൻ അനന്ത് അംബാനിയുടെയും രാധിക മെർച്ചന്റിന്റെയും വിവാഹ ആഘോഷങ്ങൾക്ക് മുംബൈയിലെ ബാന്ദ്ര കുർള കോംപ്ലെക്സിലെ ജിയോ വേൾഡ് കൺവെൻഷൻ സെന്ററിൽ തുടക്കമായി. ദിവസങ്ങളായി നടന്നുവന്ന പ്രീവെഡ്ഡിംഗ് ചടങ്ങുകളും സംഗീതുമെല്ലാം നിരന്തരം വാർത്തകളിൽ നിറഞ്ഞുനിന്നിരുന്നു.
ദേശീയ, അന്തർദ്ദേശീയ തലത്തിൽ പ്രശസ്തരായ നിരവധി സെലിബ്രിറ്റികളും സ്പോർട്സ്, സിനിമ താരങ്ങളുമാണ് വിവാഹത്തിൽ പങ്കെടുക്കാൻ എത്തിയിരിക്കുന്നത്. ഭാര്യ ലത, മകൾ സൗന്ദര്യ, മരുമകൻ വിശാഖൻ വനങ്കമുടി, ചെറുമകൻ എന്നിവർക്കൊപ്പമാണ് സ്റ്റൈൽ മന്നൻ രജനികാന്ത് എത്തിയത്. രജനികാന്ത് പരമ്പരാഗത ഓഫ് വൈറ്റ് ഷർട്ടും ധോത്തിയും തിരഞ്ഞെടുത്തപ്പോൾ ഭാര്യ ലത സാരിയാണ് ധരിച്ചത്. മകളും സംവിധായികയുമായ സൗന്ദര്യ ലെഹങ്കയിൽ തിളങ്ങിയപ്പോൾ മരുമകൻ മുണ്ടും ഷർട്ടും ഷാളും അണിഞ്ഞാണ് എത്തിയത്.
#WATCH | Actor Rajinikanth along with his family attends Anant Ambani-Radhika Merchant wedding at Jio World Convention Centre in Mumbai pic.twitter.com/x9liBzqzxC
— ANI (@ANI) July 12, 2024
#WATCH | Actor Rajinikanth shakes a leg at Anant Ambani-Radhika Merchant’s wedding ceremony in Mumbai pic.twitter.com/uCmBzRIYF0
— ANI (@ANI) July 12, 2024
മൂന്ന് ദിവസത്തെ വിവാഹ ചടങ്ങുകൾ ഇന്നാണ് (ജൂലൈ 12) ആരംഭിച്ചത് . ഹോളിവുഡ് താരം ജോൺ സീന, സഹോദരിമാരായ കിം കർദാഷിയാൻ, ക്ലോ കർദാഷിയാൻ, അമിതാഭ് ബച്ചൻ, ഐശ്വര്യ റായ് ബച്ചൻ, ജാൻവി കപൂർ എന്നിവരുൾപ്പെടെ ലോകമെമ്പാടുമുള്ള നിരവധി താരങ്ങളാണ് വിവാഹത്തിൽ പങ്കെടുക്കുന്നത്.
സെലിബ്രിറ്റികൾ മാത്രമല്ല വിവിധ ലോക നേതാക്കളെയും അംബാനി കുടുംബം ക്ഷണിച്ചിട്ടുണ്ട്. മുൻ ബ്രിട്ടീഷ് പ്രധാനമന്ത്രി ബോറിസ് ജോൺസൺ കുടുംബസമേതമാണ് വിവാഹത്തിനെത്തിയത്.
