അനന്ത് അംബാനിയും രാധികാ മെർച്ചന്റും ഒടുവിൽ വിവാഹിതരായി. മൂന്ന് ദിവസം നീണ്ട വിവാഹച്ചടങ്ങുകൾക്കാണ് ഇപ്പോൾ രാജ്യം സാക്ഷിയാകുന്നത്. രണ്ടാം ദിനമായ ഇന്ന് മുംബൈയിലെ ജിയോ വേൾഡ് സെന്ററിൽ ‘ശുഭ ആശിർവാദ്’ എന്ന ചടങ്ങ് പുരോഗമിക്കുകയാണ്. ഇന്നേദിവസം രാധിക എത്തുന്ന ലെഹങ്കയെക്കുറിച്ചുള്ള വിശേഷങ്ങളാണ് സ്റ്റൈലിസ്റ്റ് റിയാകപൂർ പങ്കുവച്ചിരിക്കുന്നത്.
രാധികയുടെ പിങ്ക് കളർ ലെഹങ്കയിൽ ചിത്രങ്ങൾ വരച്ചിരിക്കുന്നത് പ്രശസ്ത ശിൽപി ജയശ്രീ ബർമനാണ്. ഒപ്പം കരകൗശല വിദഗ്ധൻ അബു ജാനി സന്ദീപ് ഖോസ്‌ലയുടെ എംബ്രോയ്ഡറി വർക്കുകളും കൂടിയായപ്പോൾ അതിവിശിഷ്ടമായ ലെഹങ്ക അവിടെ സൃഷ്ടിക്കപ്പെടുകയായിരുന്നുവെന്ന് റിയാ കപൂർ വ്യക്തമാക്കി. തലയിൽ താമരപ്പൂവും കഴുത്തിൽ മരതകമാലയും അണിഞ്ഞ് അതീവ സുന്ദരിയായി ഒരുങ്ങി നിൽക്കുന്ന രാധികയുടെ ചിത്രങ്ങളും അവർ പങ്കുവച്ചിട്ടുണ്ട്.
റിയയുടെ ഇൻസ്റ്റഗ്രാം പോസ്റ്റിൽ പറയുന്നതിങ്ങനെ..
“കലയും ഫാഷനും എന്നും പ്രണയിതാക്കളാണ്. ഒരാൾക്ക് മറ്റേയാളില്ലാതെ നിലനിൽക്കാനാവില്ല. രാധികാ മെർച്ചന്റ്, രാധികാ അംബാനിയായ ശേഷമുള്ള ആദ്യ സായാഹ്നത്തിൽ ധരിക്കാൻ, ഞങ്ങളുടെ വധുവിന് ഏറ്റവും സവിശേഷമായ വസ്ത്രം നെയ്തെടുത്തു.
സമകാലിക ഇന്ത്യൻ പ്രതിഭയും ശിൽപിയുമായ ജയശ്രീ ബർമൻ വരച്ച ചിത്രമാണ് ലെഹങ്കയിലെ 12 പാനലുകളിലായുള്ളത്. അതെല്ലാം പ്രത്യേക ഇറ്റാലിയൻ കാൻവാസിൽ വരച്ചിട്ടുള്ളതുമാണ്.
സന്തുഷ്ടരായ ദമ്പതികളെ പ്രതിനിധീകരിക്കുന്ന രൂപങ്ങളാണ് അതിൽ ഉൾപ്പെടുത്തിയിരിക്കുന്നത്. ജീവജാലങ്ങളോടുള്ള അനന്തിന്റെ ഇഷ്ടം വിളിച്ചോതുന്ന പ്രതീകങ്ങളും ആനകളുടെ രൂപത്തിലും മറ്റുമായി ആ ലെഹങ്കയിൽ ഉൾപ്പെടുത്തിയിട്ടുണ്ട്.
യഥാർത്ഥ സ്വർണ്ണ സർദോസിയുടെ ഹാൻഡ് എംബ്രോയ്ഡറിയാണ് രാധികയുടെ വസ്ത്രത്തിന്റെ മറ്റൊരു പ്രത്യേകത. അബു ജാനി സന്ദീപ് ഖോസ്‌ല എന്ന കരകൗശല വിദഗ്ധൻ കൈകൊണ്ട് തുന്നിയ ബ്ലൗസാണ് ലെഹങ്കയ്‌ക്ക് ഒപ്പമണിഞ്ഞത്.”
View this post on Instagram
