ആത്മീയ ഗുരു ശ്രീ ശ്രീ രവിശങ്കറിന്റെ ജീവിതം സിനിമയാകുന്നു . വാർ’, ‘പത്താൻ’, ‘ഫൈറ്റർ’ തുടങ്ങിയ ചിത്രങ്ങൾ സംവിധാനം ചെയ്ത സംവിധായകൻ സിദ്ധാർത്ഥ് ആനന്ദാണ് ഗുരുജിയുടെ ജീവിതത്തിലെ യഥാർത്ഥ സംഭവത്തെ ആസ്പദമാക്കി ത്രില്ലർ സിനിമ ഒരുക്കുന്നത്.
ശ്രീ ശ്രീ രവിശങ്കർ ഗുരുജി സമാധാനത്തിന്റെ സ്ഥാപകനായാണ് അറിയപ്പെടുന്നത് . കൊളംബിയയുടെ 52 വർഷത്തെ ആഭ്യന്തര യുദ്ധത്തിന് അദ്ദേഹം മധ്യസ്ഥത വഹിക്കുകയും പരിഹരിക്കുകയും ചെയ്തു. ഇത് കേന്ദ്രീകരിച്ചായിരിക്കും സിനിമ മുന്നോട്ട് പോവുക. ചിത്രത്തിൽ ഇംഗ്ലീഷ് സിനിമാ താരങ്ങളും ഉണ്ടാകും.
വാഷിംഗ്ടൺ ഡിസിയിൽ നടന്ന ‘വേൾഡ് കൾച്ചറൽ ഫെസ്റ്റിവലിൽ’ വെച്ചായിരുന്നു ചിത്രത്തിന്റെ പ്രഖ്യാപനം. 180 രാജ്യങ്ങളിൽ നിന്നുള്ള ദശലക്ഷക്കണക്കിന് ആളുകൾ ഫെസ്റ്റിവലിൽ എത്തിയിരുന്നു. ഈ സമയത്താണ് ഈ ചിത്രത്തെ കുറിച്ചുള്ള വിവരങ്ങൾ പുറത്ത് വന്നിരിക്കുന്നത്. ഈ ചിത്രത്തിലെ അഭിനേതാക്കളെക്കുറിച്ചുള്ള ഔദ്യോഗിക വിവരങ്ങൾ ഇതുവരെ പുറത്ത് വന്നിട്ടില്ല .
സിദ്ധാർത്ഥ് സംവിധാനം ചെയ്ത ‘ഫൈറ്റർ’ എന്ന ചിത്രം ഈ വർഷം ആദ്യം പുറത്തിറങ്ങിയിരുന്നു. ഹൃത്വിക് റോഷനാണ് ചിത്രത്തിൽ പ്രധാന വേഷത്തിലെത്തിയത് .
