മുംബൈ: മഹാരാഷ്ട്രയിലെ 36 ജില്ലകളിലുള്ള എല്ലാ മലയാളി സംഘടനകളേയും പ്രവാസി മലയാളികളെയും കോർത്തിണക്കി ഫെയ്മ മഹാരാഷ്ട്ര മലയാളി വെൽഫെയർ സെൽ പുതിയ ഭാരവാഹികളെ തെരഞ്ഞെടുത്തു.
മഹാരാഷ്ട്രയിലെ എല്ലാ മലയാളികൾക്കും കേരളാ സർക്കാരിന്റെ നോർക്കാ പ്രവാസി കാർഡ്, പ്രവാസി ക്ഷേമനിധി കാർഡ്, മറ്റു പദ്ധതികൾ, മഹാരാഷ്ട്ര സർക്കാരിന്റെ വിവിധ ക്ഷേമപദ്ധതികൾ, കേന്ദ്ര ഗവൺമെന്റിന്റെ വിവിധ ക്ഷേമ പദ്ധതികളുമായി ബന്ധപ്പെട്ട ആനുകൂല്യങ്ങൾ തുടങ്ങിയവ ലഭ്യമാക്കുന്നതിനുളള പ്രവർത്തനങ്ങളുടെ ഭാഗമായിട്ടാണ് നീക്കം.
പ്രസിഡന്റ് ഉണ്ണി വി ജോർജ്ജ് , സെക്രട്ടറി ബാലൻ പണിക്കർ, വൈസ് പ്രസിഡന്റ് ഡോ.മധുകുമാർ നായർ, ജോയിന്റ് സെകട്ടറി കൃഷ്ണൻകുട്ടി നായർ, എന്നിവരെയും സോണൽ കൺവീനർമാരായി മനുകുമാർ, രജ്ജിത്ത് രമേശൻ (അമരാവതി ), സജി പി ചെറിയാൻ, ശ്രീകുമാർ എസ് പിളള (കൊങ്കൺ ) ജ്യോതിഷ് പിള്ള , ഗോപകുമാർ ( മറാത്തവാഡ), രജനി അനു, മണികണ്ഠൻ (മുംബൈ), എൻ വാസുദേവൻ (നാഗ്പൂർ വിദർഭാ), വിശ്വനാഥൻ പിളള, രാജേഷ് കുറുപ്പ് (നാസിക് നോർത്ത് മഹാരാഷ്ട്ര), ഗിരീഷ് സ്വാമി, ശരത് മേനോൻ (പൂനെ പശ്ചിമ മഹാരാഷ്ട്ര) , എന്നിവരെയും ഫെയ്മ മഹാരാഷ്ട്ര പ്രസിഡന്റ് കെ എം മോഹൻ അധ്യക്ഷനായ പൊതുയോഗത്തിൽ തെരഞ്ഞെടുത്തു.
ഫെയ്മ മഹാരാഷ്ട്ര ജനറൽ സെക്രട്ടറി പി പി അശോകൻ, ഫെയ്മ മഹാരാഷ്ട്ര ചീഫ് കോർഡിനേറ്റർ ടിജി സുരേഷ്കുമാർ , ഫെയ്മ മഹാരാഷ്ട്ര വനിതാ വേദി പ്രസിഡന്റ് അനു ബി നായർ, ഫെയ്മ മഹാരാഷ്ട്ര വനിതാ വേദി സെക്രട്ടറി സുമി ജെന്ററി ഫെയ്മ മഹാരാഷ്ട്ര യാത്രാ സഹായ വേദി ജനറൽ കൺവീനർ കെ.വൈ സുധീർ മുതലായ സംഘടന നേതാക്കൾ സംസാരിച്ചു. യോഗത്തിൽ ഉണ്ണി വി ജോർജ് സ്വാഗതവും എൻഎംസിഎ വൈസ് പ്രസിഡന്റ് വിശ്വനാഥൻ പിള്ള നന്ദിയും അറിയിച്ചു.
