ഭർത്താവിന്റെ സിനമ തിയേറ്ററിൽ നിലത്തിരുന്ന് കാണുന്ന നടി റബേക്ക സന്തോഷിന്റെ വീഡിയോയാണ് സമൂഹമാദ്ധ്യമങ്ങളിൽ നിറയുന്നത്. ആദ്യ ഷോ കാണാൻ സീറ്റ് കിട്ടാത്തതിനാലാണ് നടി നിലത്തിരുന്നത്. താരത്തിന്റെ ഭർത്താവ് ശ്രീജിത്ത് വിജയൻ സംവിധാനം ചെയ്ത ‘ഇടിയൻ ചന്തു’വിന്റെ ആദ്യ ഷോ കാണാനാണ് റബേക്ക എത്തിയത്.
സീറ്റ് ഇല്ലാത്തിനാലാണ് ആദ്യ ഷോ നിലത്തിരുന്നതെന്നും അവസാനത്തെ ഫൈറ്റ് സീൻ മാത്രമാണ് കാണാൻ കഴിഞ്ഞതെന്നും നടി പിന്നീട് മാദ്ധ്യമങ്ങളോട് പ്രതികരിച്ചിരുന്നു.
മാർഗംകളി, കുട്ടനാടൻ മാർപ്പാപ്പ എന്നീ ചിത്രങ്ങൾക്കു ശേഷം ശ്രീജിത്ത് വിജയൻ സംവിധാനം ചെയ്ത ചിത്രമായിരുന്നു ഇടിയൻ ചന്തു. വിഷ്ണു ഉണ്ണികൃഷ്ണൻ നായകാനായ ചിത്രം ആക്ഷൻ എന്റർടെയ്ൻമെന്റ് വിഭാഗത്തിലുൾപ്പെടുന്നതാണ്. പീറ്റർ ഹെയ്ൻ ആണ് ആക്ഷൻ കൊറിയോഗ്രഫി നിർവഹിച്ചിരിക്കുന്നത്.
മയക്കുമരുന്ന് മാഫിയയെ സ്കൂളുകൾ എങ്ങനെ നേരിടണമെന്നാണ് സിനിമ സംസാരിക്കുന്നത്. കലഹ പ്രിയനായ ചന്തുവിനെ ചുറ്റിപറ്റിയാണ് സിനിമ മുന്നേറുന്നത്. ഗായത്രി അരുൺ, ചന്തു സലിംകുമാർ, കിച്ചു ടെല്ലസ്, ഫുക്രു, രഘുനാഥ് പലേരി, സലിം കുമാർ, അഭിജ, ദിനേശ് പ്രഭാകർ, ലാലു അലക്സ്, ജോണി ആന്റണി, രമേശ് പിഷാരടി, ബിജു സോപാനം തുടങ്ങിയവരും ചിത്രത്തിൽ പ്രധാന വേഷത്തിൽ എത്തുന്നുണ്ട്.
