ഹോളിവുഡ് ഹാസ്യ നടൻ വിറ്റ്നി റിഡ്ബെക്ക് (79) അന്തരിച്ചു. അർബുദ ബാധയെ തുടർന്ന് ചികിത്സയിലിരിക്കെ ആയിരുന്നു അന്ത്യം.
കാലിഫോർണിയയിലെ ചാറ്റ്സ്വർത്തിൽ ഹോസ്പിസ് കെയറിൽ വെച്ചായിരുന്നു അന്ത്യം. ‘ഫ്രൈഡേ ദി 13-ത് ‘ എന്ന സിനിമയിലെ നടന്റെ അഭിനയം ഏറെ ശ്രദ്ധപിടിച്ചു പറ്റിയിരുന്നു.
റിഡ്ബെക്ക് കഴിവുള്ള ഒരു ഹാസ്യ നടനും അഭിനേതാവും മാത്രമല്ല, യഥാർത്ഥത്തിൽ ദയയും കരുതലുമുള്ള ഒരു വ്യക്തിത്വത്തിന് ഉടമ കൂടിയാണെന്നാണ് സഹപ്രവർത്തകനായ ടോമി മക്ലോഫ്ലിൻ പറഞ്ഞത്. സമൂഹമാദ്ധ്യമങ്ങളിലൂടെ നിരവധി പേരാണ് റിഡ്ബെക്കിന് അനുശോചനം അറിയിച്ചത്.
ദി ബ്രാഡി ബഞ്ച്, സ്റ്റാർ ട്രെക്ക്: ദി നെക്സ്റ്റ് ജനറേഷൻ, സ്ക്രബ്സ്, ഫിലിസ്, മാഷ്, കാഗ്നി & ലേസി, ഹൈവേ ടു ഹെവൻ, സിസ്റ്റേഴ്സ്, ലിവിംഗ് സിംഗിൾ, പാർട്ടി ഓഫ് ഫൈവ് എന്നിവയുൾപ്പെടെ നിരവധി ടിവി ഷോകളിലും റിഡ്ബെക്ക് ഭാഗമായിരുന്നു.
