അവൻ സെൽഫി എടുക്കാനുള്ള മൂഡിലല്ല, ശല്യം ചെയ്യരുത്; റോഡിൽ അതീവ ദുഃഖിതനായി കരടിക്കുട്ടൻ; ചിത്രങ്ങൾ പകർത്തുന്നത് വിലക്കി പൊലീസ്

ഫ്ലോറിഡ: റോഡരികിൽ വിഷാദനായി കാണപ്പെട്ട കരടിക്കൊപ്പം സെൽഫിയെടുത്ത ആളുകളെ വിലക്കി ഫ്ലോറിഡ പൊലീസ്. ഫ്ലോറിഡയിലെ സാന്റ റോസാ ബീച്ച് ഹൈവേയ്‌ക്ക് അരികിലാണ് കരടി പ്രത്യക്ഷപ്പെട്ടത്. കരടി വളരെയധികം ദുഃഖിതനും കടുത്ത വിഷാദത്തിലാണെന്നുമാണ് അധികൃതർ പറയുന്നത്. എന്നാൽ ഇതൊന്നും ശ്രദ്ധിക്കാതെ ആളുകൾ കരടിക്കൊപ്പം സെൽഫിയെടുക്കുന്നുണ്ട്. ഇതാണ് ഫ്ലോറിഡ പൊലീസ് ഇടപെട്ട് വിലക്കിയത്.

കരടി ഇപ്പോൾ സെൽഫി എടുക്കാനുള്ള മൂഡിലല്ലെന്ന് വ്യക്തമാക്കിയ അധികൃതർ അത് എപ്പോൾ വേണമെങ്കിലും അക്രമകാരി ആകാമെന്നും മുന്നറിയിപ്പ് നൽകി. സംഭവം ശ്രദ്ധയിൽപ്പെട്ട ഫ്ലോറിഡ ഫിഷ് ആൻഡ് വൈൽഡ്‌ലൈഫ് കൺസർവേഷൻ കമ്മീഷൻ (FWC) സ്ഥലത്തെത്തിയപ്പോഴേക്കും കരടി ഉൾക്കാട്ടിലേക്ക് മടങ്ങിപ്പോയിരുന്നു. ആളുകളെടുത്ത ചിത്രങ്ങൾ പരിശോധിച്ച അധികൃതർ കരടിക്ക് പരിക്കുകളൊന്നും പറ്റിയിട്ടില്ലെന്ന് വ്യക്തമാക്കി.

Famous last words, “If not friend, why friend shaped?”

Because this black bear is stressed depressed lemon zest.

Walton County Sheriff’s Office deputies are monitoring a bear on the north side of Highway 98 near County Road 83 in Santa Rosa Beach.

Onlookers were trying to… pic.twitter.com/boRdiLucZG

— Walton Co. Sheriff (@WCSOFL) July 18, 2024

ഫ്ലോറിഡയുടെ വിവിധ ഭാഗങ്ങളിൽ, പ്രത്യേകിച്ച് വസന്തകാലത്തും വേനൽക്കാലത്തും കറുത്ത കരടികൾ പതിവ് കാഴ്ചയാണ്. FWC കണക്കുകൾ പ്രകാരം ഫ്ലോറിഡയിലെ വനപ്രദേശങ്ങളിൽ 4,050 ൽ അധികം കറുത്ത കരടികളാണുള്ളത്. അതുകൊണ്ടുതന്നെ കരടികളെ ആകർഷിക്കുന്നതിനായി അവയ്‌ക്ക് ഭക്ഷണം കൊടുക്കുന്നതോ സമീപത്ത് ഭക്ഷണമോ മാലിന്യമോ ഉപേക്ഷിക്കുകയോ ചെയ്യുന്നത് ഫ്ലോറിഡയിൽ നിയമവിരുദ്ധമാണ്.