കുഞ്ഞുങ്ങളുടെ പല്ലില്ലാത്ത മോണ കാട്ടിയുള്ള ചിരി കാണാൻ തന്നെ ഭംഗിയാണ്. വളർന്നുവളർന്ന് മാസങ്ങളും വർഷങ്ങളുമെടുത്താണ് പല്ലുകൾ പൂർണ വളർച്ചയിലെത്തുന്നത്. ആദ്യം പാൽപല്ലുകൾ ഉണ്ടാവുകയും പിന്നീട് 21 വയസ്സ് പൂർത്തിയാകുമ്പോഴേക്കും 32 സ്ഥിരമായുള്ള പല്ലുകൾ ഉണ്ടാകുകയുമാണ് പതിവ്.
എന്നാൽ പതിവിലും വിപരീതമായി 32 പല്ലുകളുമായി ജനിച്ച പെൺ കുഞ്ഞിന്റെ ചിത്രങ്ങൾ സമൂഹമാദ്ധ്യമങ്ങളിൽ പ്രചരിക്കുന്നുണ്ട്. കുഞ്ഞിന്റെ അമ്മയാണ് വീഡിയോ ദൃശ്യങ്ങൾ പങ്കുവച്ചിരിക്കുന്നത്.
പല്ലുകളുമായി കുട്ടികൾ ജനിക്കുന്ന അപൂർവ അവസ്ഥയായ നേറ്റൽ ടീത്ത് ആണ് ഇതിന് പിന്നിൽ. ഈ അവസ്ഥയെ കുറിച്ച് ജനങ്ങൾക്ക് അവബോധം നൽകാനാണ് വീഡിയോ പങ്കിട്ടതെന്ന് കുഞ്ഞിന്റെ അമ്മ പറയുന്നു. ഇതിനോടകം തന്നെ 4.8 ലക്ഷം പേരാണ് വീഡിയോ ലൈക്ക് ചെയ്തിരിക്കുന്നത്. കുട്ടിയെ കണ്ടിച്ച് പേടി തോന്നുന്നുവെന്നും കുട്ടിയുടെ പല്ലുകൾ അമ്മയ്ക്ക് ഏതെങ്കിലും തരത്തിൽ ബുദ്ധിമുട്ട് സൃഷ്ടിക്കുന്നുണ്ടോയെന്ന് തുടങ്ങി നിരവധി കമന്റുകളും വീഡിയോയ്ക്ക് ലഭിക്കുന്നുണ്ട്.
വായിൽ പല്ലുകളോടെ കുഞ്ഞുങ്ങൾ ജനിക്കുന്ന അവസ്ഥയാണ് നേറ്റൽ ടീത്ത്. ഈ അവസ്ഥ കുട്ടിയ്ക്ക് ഒരു തരത്തിലും ബുദ്ധിമുട്ടാക്കില്ലെങ്കിലും അമ്മമാരെ സംബന്ധിച്ച് മുലയൂട്ടലിൽ ബുദ്ധിമുട്ടുകൾ നേരിടേണ്ടി വരും. കൂടാതെ പല്ല് പൊട്ടുന്ന അവസ്ഥയിൽ കുട്ടി അത് കഴിക്കാനുള്ള സാധ്യതയുമുണ്ട്.
View this post on Instagram
