വിയന്റിയൻ: ആസിയാൻ വിദേശകാര്യമന്ത്രിമാരുടെ യോഗത്തിനിടെ ചൈനീസ് വിദേശകാര്യമന്ത്രി വാങ്യിയുമായി കൂടിക്കാഴ്ച നടത്തി എസ് ജയശങ്കർ. ഇന്ത്യ-ചൈന അതിർത്തി തർക്കം ബന്ധങ്ങളിൽ വിള്ളൽ വരുത്തുന്നതിന് കാരണമാകുമെന്ന് എസ് ജയശങ്കർ, ചൈനീസ് വിദേശകാര്യമന്ത്രിക്ക് മുന്നറിയിപ്പ് നൽകി. മുൻകാല കരാറുകൾ പ്രകാരം നിയന്ത്രണ രേഖകൾ പരിഗണിച്ച് ഇരുരാജ്യങ്ങളും മുന്നോട്ടു പോകണമെന്നും നിയന്ത്രണ രേഖകൾ മറികടന്നുള്ള ചൈനയുടെ പ്രവർത്തനങ്ങൾ ഇരുരാജ്യങ്ങളുടെയും ഉഭയകക്ഷി ബന്ധത്തെ മോശമായി ബാധിക്കുമെന്നും അദ്ദേഹം എക്സിൽ കുറിച്ചു.
” ആസിയാൻ വിദേശകാര്യമന്ത്രിമാരുടെ യോഗത്തിനിടെ ചൈനയുടെ വിദേശകാര്യമന്ത്രി വാങ്യിയുമായ കൂടിക്കാഴ്ച നടത്തി. ഉഭയകക്ഷി ബന്ധവുമായി ബന്ധപ്പെട്ട ചർച്ചകൾ നടത്തി. അതിർത്തി തർക്കങ്ങൾ രാജ്യങ്ങൾ തമ്മിലുള്ള ബന്ധത്തിലും വ്യക്തികൾ തമ്മിലുള്ള ബന്ധത്തിലും പ്രതിഫലിക്കുമെന്ന് അദ്ദേഹത്തിന് മുന്നറിയിപ്പ് നൽകിയിട്ടുണ്ട്.”- എസ് ജയശങ്കർ എക്സിൽ കുറിച്ചു.
കിഴക്കൻ ലഡാക്കിൽ തുടരുന്ന അതിർത്തി തർക്കങ്ങൾക്കിടയിലാണ് ജയശങ്കർ- വാങ്യി കൂടിക്കാഴ്ച നടന്നത്. മുൻകാല കരാറുകൾ പാലിച്ച് നിയന്ത്രണ രേഖകൾ മറികടക്കാതെ മുന്നോട്ട് പോകേണ്ടതുണ്ട്. ഇരുരാജ്യങ്ങളൾ തമ്മിലുള്ള ബന്ധം സുസ്ഥിരമാക്കണം. അതിനാൽ പ്രശ്നങ്ങളെ ലക്ഷ്യബോധത്തോടെ സമീപിക്കാൻ സാധിക്കണമെന്നും ജയശങ്കർ കുറിച്ചു.
Met with CPC Politburo member and FM Wang Yi in Vientiane today.
Continued our ongoing discussions about our bilateral relationship. The state of the border will necessarily be reflected on the state of our ties.
Agreed on the need to give strong guidance to complete the… pic.twitter.com/pZDRio1e94
— Dr. S. Jaishankar (@DrSJaishankar) July 25, 2024
2020 ജൂണിൽ ഗാൽവാൻ താഴ്വരയിൽ ചൈനീസ് സൈനികരുമായുണ്ടായ ഏറ്റുമുട്ടലിൽ 20 ഇന്ത്യൻ സൈനികരാണ് വീരമൃത്യു വരിച്ചത്. ഇത് ഇന്ത്യ- ചൈന ബന്ധം വഷളാക്കുന്നതിന് വഴിവച്ചു. നിയന്ത്രണ രേഖകൾ ലംഘിച്ച് അതിർത്തി പിടിച്ചെടുക്കാൻ ചൈന ശ്രമിച്ചതോടെ ഇന്ത്യ- ചൈന ബന്ധം വീണ്ടും മോശമാവുകയായിരുന്നു.
ആസിയാൻ യോഗത്തിൽ പങ്കെടുക്കുന്നതിനായി ഇന്നലെയാണ് വിദേശകാര്യമന്ത്രി എസ് ജയശങ്കർ ലാവോസിലെത്തിയത്. ലാവോസ് വിദേശകാര്യമന്ത്രി സലെംക്സെ കൊമ്മാസിത്തിന്റെ ക്ഷണപ്രകാരമാണ് ജയശങ്കർ ആസിയാൻ യോഗത്തിൽ പങ്കെടുക്കാനെത്തിയത്.
