ലോകമെമ്പാടും തിയേറ്ററുകളിൽ ആവേശം തീർക്കുകയാണ് റയാൻ റെയ്‌നോൾഡ്‌സും ഹ്യൂ ജാക്ക്‌മാനും അഭിനയിച്ച ‘ഡെഡ്‌പൂൾ & വോൾവറിൻ’. സൂപ്പർഹീറോ സിനിമയ്‌ക്ക് കേരളത്തിലും വൻ സ്വീകരണമാണ് ലഭിച്ചത്. ഡെഡ്‌പൂളിന്റെയും വോൾവറിന്റെയും ഒരുമിച്ചുള്ള വരവിൽ സന്തോഷം പങ്കുവെച്ചിരിക്കുകയാണ് നടൻ ഗോകുൽ സുരേഷ്.
തിയേറ്റിലെത്തി സിനിമ കണ്ട ശേഷം ആരാധകർക്കൊപ്പം ആഘോഷത്തിലും ഗോകുൽ സുരേഷ് പങ്കു ചേർന്നു. മാർവൽ സിനിമാറ്റിക് യൂണിവേഴ്‌സുമായി (എംസിയു) സംയോജിപ്പിച്ച ഡെഡ്‌പൂൾ സീരീസിലെ ആദ്യ ചിത്രം ഒരുപാട് ഇഷ്ടമായി എന്നും താരം പ്രതികരിച്ചു. മാർവൽ ആരാധകർക്കൊപ്പം ഗോകുൽ കേക്കും മുറിച്ചു.
“നല്ല സിനിമയായിരുന്നു. കുഞ്ഞുനാൾ മുതൽ മാർവൽ ഫാനാണ്. അവരുടെ എല്ലാ സിനിമകളും കണ്ടിട്ടുണ്ട്. അതിനൊരു പൂർണതയായി എന്ന് തോന്നുന്നു. ഇനിയും മാർവൽ സിനിമകൾ വരാൻ വേണ്ടി കാത്തിരിക്കുന്നു. സിനിമ പൂർണമായും തൃപ്തിപ്പെടുത്തി”- ഗോകുൽ സുരേഷ് പറഞ്ഞു.
