പ്രിയ ചിത്രമായ ഡിയർ കോമ്രേഡിന്റെ അഞ്ചാം വാർഷികത്തിൽ ഓർമകൾ പങ്കുവച്ച് നടി രശ്മിക മന്ദാന. താരം ഇൻസ്റ്റഗ്രാമിൽ പങ്കുവച്ച കുറിപ്പാണ് ഏറെ ശ്രദ്ധേയമാകുന്നത്. ചിരിയും വേദനകളും നിറഞ്ഞ ഷൂട്ടിംഗ് ദിവസങ്ങൾ ഒരിക്കലും മറക്കാനാകില്ലെന്നും ഇപ്പോഴും തന്നെ എല്ലാവരും ലില്ലിയെന്നാണ് വിളിക്കുന്നതെന്നും രശ്മിക ഇൻസ്റ്റഗ്രാമിൽ കുറിച്ചു.
“നിങ്ങളുടെ സ്നേഹത്തിന് എല്ലാവരോടും നന്ദി മാത്രമാണുള്ളത്. ചിത്രത്തിന്റെ നരേഷൻ അറി‍ഞ്ഞത് മുതൽ എന്റെ ക്രിക്കറ്റ് പരിശീലനങ്ങൾ ആരംഭിച്ചു. മാസങ്ങളോളം നീണ്ടുനിന്ന ഷൂട്ടിംഗിനിടയിൽ ഒരുപാട് മുറിവുകളും വേദനകളും അനുഭവിച്ചു. ഈ ചിത്രത്തിന് ശേഷം ഞാൻ ഒരുപാട് സിനിമകൾ ചെയ്തിട്ടുണ്ട്. എന്നാൽ ഇപ്പോഴും എന്നെ എല്ലാവരും ലില്ലി എന്നാണ് വിളിക്കുന്നത്. ചിത്രത്തിലെ ഓരോ നിമിഷവും എനിക്ക് ഏറെ പ്രിയപ്പെട്ടതാണ്” – രശ്മിക മന്ദാന ഇൻസ്റ്റഗ്രാമിൽ കുറിച്ചു.
View this post on Instagram
എല്ലാത്തിനും അനാവശ്യമായി ദേഷ്യം കാണിക്കുന്ന കഥാപാത്രത്തെ കേന്ദ്രീകരിച്ചുള്ളതായിരുന്നു ചിത്രം. ബോബി എന്ന കഥാപാത്രത്തെ അവതരിപ്പിച്ച വിജയ് ദേവരകൊണ്ടയുടെ പ്രകടനം സിനിമാ ലോകത്ത് ഏറെ ശ്രദ്ധ നേടിയിരുന്നു.
