യുകെ ഫെസ്റ്റിവൽ ഓഫ് സ്പീഡിൽ ‘കസ്റ്റം 850 സിസി’ അഡ്വഞ്ചർ ബൈക്ക് പ്രദർശിപ്പിച്ച് റോയൽ എൻഫീൽഡ്. ഇത് 650 സിസി പ്ലാറ്റ്‌ഫോമിനെ അടിസ്ഥാനമാക്കിയുള്ള ബോർ-ഔട്ട് പതിപ്പാണെങ്കിലും, ഒരു വലിയ അഡ്വഞ്ചർ ബൈക്കുമായി മിഡിൽവെയ്റ്റ് സെഗ്‌മെൻ്റിലേക്ക് പ്രവേശിക്കാനാണ് റോയൽ എൻഫീൽഡിന്റെ ശ്രമം.
1980 കളിലും 1990 കളിലും ഡാകർ റാലി റേസിംഗ് ബൈക്കുകളിൽ നിന്ന് പ്രചോദനം ഉൾക്കൊണ്ടാണ് മോട്ടോർസൈക്കിൾ നിർമ്മിച്ചിരിക്കുന്നത്. ഇളം പാസ്റ്റൽ പിങ്ക്, പർപ്പിൾ നിറങ്ങളാണ് മോട്ടോർസൈക്കിളിന് നൽകിയിരിക്കുന്നത്. ഡ്യുക്കാട്ടി ഡെസേർട്ട് എക്‌സിന് സമാനമായ മോഡേൺ-റെട്രോ ഡിസൈൻ തീം.
റോയൽ എൻഫീൽഡ് 850 സിസി അഡ്വഞ്ചർ ബൈക്കിൽ ഹാരിസ് പെർഫോമൻസിൽ നിന്നുള്ള ട്വീക്ക് ചെയ്ത ഷാസി, ക്രമീകരിക്കാവുന്ന ഓഹ്‌ലിൻസ് സസ്‌പെൻഷൻ, ഹാരിസ് പെർഫോമൻസിൽ നിന്നുള്ള കസ്റ്റം സ്വിംഗാർം, എക്‌സ്‌ഹോസ്റ്റ് സിസ്റ്റം എന്നിവ ഉൾപ്പെടുന്നു. റാലി-സ്പെക്ക്, നോബി പൊതിഞ്ഞ സ്‌പോക്ക് വീലുകളിൽ ഈ ബൈക്ക് ഓടുന്നു.
850 സിസി കസ്റ്റം റാലി ബൈക്ക് ഭാവിയിൽ ബൈക്ക് നിർമ്മാതാവിൽ നിന്ന് ഇതുപോലെ ഒരു വാഹനം പ്രതീക്ഷിക്കാം എന്ന സൂചനയാണ് നൽകുന്നത്. സ്ഥിരീകരിക്കപ്പെട്ടിട്ടില്ലെങ്കിലും, റോയൽ എൻഫീൽഡിൽ നിന്നുള്ള 850 സിസി, പാരലൽ-ട്വിൻ അഡ്വഞ്ചർ മോട്ടോർസൈക്കിൾ എന്ന ആശയം യാഥാർത്ഥ്യമാകുമെന്ന പ്രതീക്ഷയിലാണ് വാഹന പ്രേമികൾ.
