മലയാളത്തിന്റെ ലേഡി സൂപ്പർ സ്റ്റാർ എന്ന് വിശേഷിപ്പിക്കുന്ന നടിയാണ് മഞ്ജു വാര്യർ. പുതിയ ചിത്രമായ ഫൂട്ടേജ് ‘എ സർട്ടിഫിക്കറ്റ്’ ആണെന്ന വിവരം നടി സമൂഹ മാദ്ധ്യമങ്ങളിൽ പങ്കുവെച്ചിരുന്നു.
തന്റെ സിനിമ കുട്ടികളടക്കമുള്ള കുടുംബം ആണ് കാണാൻ വരുന്നത്. ഈ സിനിമയുടെ പ്രകൃത്യം വ്യത്യസ്തമാണ്. അത് മുൻകൂട്ടി എന്റെ പ്രേക്ഷകരെ അറിയിക്കാനുള്ള ഉത്തരവാദിത്തമുണ്ടെന്നും സിനിമയുടെ തന്നെ പ്രമോഷൻ പരിപാടിക്കിടെ മഞ്ജു പറഞ്ഞിരുന്നു.
ഈ പരിപാടിയിലെ മഞ്ജു തന്റെ പേടികളെ കുറിച്ചും തുറന്ന് പറഞ്ഞിരുന്നു. “പൊതുവെ അങ്ങനെ പേടിയില്ലാത്ത ആളാണ് ഞാൻ. പക്ഷെ പടക്കം പൊട്ടുന്നത് പേടിയാണ്. കുട്ടിക്കാലത്തെ ഉള്ളതാണ്. ഇപ്പോഴും അവാർഡ് ഷോയ്ക്കൊക്കെ പോകുമ്പോൾ ചെവിയൊക്കെ പൊത്തിയാണ് ഇരിക്കുന്നത്, എനിക്ക് ഡാർക്ക്നെസ് ഓക്കെയാണ്. ഒരു ഹൊറർ സിനിമ ഇരുന്ന് കണ്ട് കഴിയുമ്പോൾ അപ്പുറത്തേക്കും ഇപ്പുറത്തേക്കുമൊക്കെ നോക്കും ….അത്രയേയുള്ളൂ,” മഞ്ജു പറയുന്നു.
