റോയൽ എൻഫീൽഡ് പുതിയ ക്ലാസിക് 350 പുറത്തിറക്കുകയാണ്. 2021-ൽ ലോഞ്ച് ചെയ്തതിന് ശേഷം ബ്രാൻഡിന് ചില പ്രധാന അപ്ഗ്രേഡുകൾ നൽകാൻ തീരുമാനിക്കുകയായിരുന്നു. അപ്ഗ്രേഡുകളോടൊപ്പം വിലയിലും വർദ്ധനവുണ്ടാകും.
പുതിയ ക്ലാസിക് 350 ന് എൽഇഡി ഹെഡ്ലൈറ്റും ടെയിൽലൈറ്റും ലഭിക്കാൻ സാധ്യതയുണ്ട്. ബൈക്കിന് ക്രമീകരിക്കാവുന്ന ലിവറുകളും ലഭിക്കുമെന്ന് പ്രതീക്ഷിക്കുന്നു. എന്നാൽ ഇത് ടോപ്പ് എൻഡ് വേരിയൻ്റുകളിൽ മാത്രം. എല്ലാ വേരിയൻ്റുകളിലും യുഎസ്ബി ചാർജിംഗ് സ്റ്റാൻഡേർഡായി ലഭിക്കുമെന്നും സൂചനയുണ്ട്.
ഈ അപ്ഡേറ്റുകൾ കൂടാതെ, ക്ലാസിക് 350 പുതിയ പെയിൻ്റ് സ്കീമുകളിൽ ലഭ്യമാകും. നിലവിൽ, ക്ലാസിക് 350-ന് ആകെ 11 നിറങ്ങൾ ലഭ്യമാണ്. എന്നാൽ പുതിയ നിറങ്ങൾ നൽകുന്നതിനായി റോയൽ എൻഫീൽഡ് ചില കളറുകൾ വേണ്ടെന്ന് വെച്ചേക്കും.
ഈ ഫീച്ചറുകൾ കൂടി വരുന്നതോടെ റോയൽ എൻഫീൽഡ് പുതിയ ക്ലാസിക് 350-ന്റെ വില വർദ്ധിപ്പിക്കാൻ സാധ്യതയുണ്ട്. നിലവിലെ ശ്രേണി 1.93 ലക്ഷം രൂപയിലും (എക്സ്-ഷോറൂം) ടോപ് എൻഡ് ക്ലാസിക് ക്രോം ഡ്യുവൽ ചാനൽ റീട്ടെയിൽ 2.25 ലക്ഷം രൂപയിലും (എക്സ്ഷോറും) ലഭിക്കുന്നു. പുതിയ മോഡലിന് എൻട്രി ലെവൽ മോഡലുകൾക്ക് 2000- 4000 രൂപയും ടോപ്പ് എൻഡ് മോഡലിന് ഏകദേശം 7000 രൂപയും വില വർദ്ധിച്ചേക്കും.
