ആരോഗ്യകാര്യത്തിൽ കുക്കുമ്പർ മുന്നിലാണ്. കക്കരിക്ക എന്നറിയപ്പെടുന്ന ഇതിൽ വിറ്റാമിൻ കെ, വിറ്റാമിൻ സി, മഗ്നീഷ്യം, കാത്സ്യം, ഇരുമ്പ്, ഫോസ്ഫറസ് എന്നിവ അടങ്ങിയിട്ടുണ്ട്. മലബന്ധം അകറ്റാനും അൾസർ, നെഞ്ചിരിച്ചിൽ പോലുള്ള ദഹന സംബന്ധ പ്രശ്നങ്ങൾ പരിഹരിക്കാനും കുക്കുമ്പർ നല്ലതാണ്. ശരീരത്തിലെ വീക്കം കുറയ്ക്കാനും കാൻസർ കോശങ്ങളുടെ വളർച്ച തടയാനും ശരീരഭാരം നിയന്ത്രിക്കാനും സഹായിക്കുന്നു. സാലഡായും അല്ലാതെയുമൊക്കയാണ് നമ്മൾ കുക്കുമ്പർ കഴിക്കാറുള്ളത്.
കുരുവോട് കൂടിയാണ് കക്കരിക്ക കഴിക്കുന്നത്. കുരുവും നിരവധി ഗുണങ്ങൾ നിറഞ്ഞതാണ്. മൂത്രനാളിയിലെ അണുബാധ തടയാനും ക്ഷീണവും സമ്മർദ്ദവും അകറ്റാനുമൊക്കെ ഈ വിത്ത് സഹായിക്കുന്നു. ഈ കുരുവിൽ നിന്ന് എണ്ണ ഉത്പാദിപ്പിക്കാം.
കുക്കുമ്പർ സീഡ് ഓയിലിന്റെ ഗുണങ്ങളറിയാം..
ചർമത്തിന്റെ ആരോഗ്യം കാക്കാൻ കുക്കുമ്പർ സീഡ് ഓയിലിന് സാധിക്കുന്നു. ഇതിലടങ്ങിയിരിക്കുന്ന ടോകോട്രിയനോൾസ് ചർമ്മത്തെ പ്രകോപ്പിക്കുന്ന ഫ്രീ റാഡിക്കലുകളെ നിർവീര്യമാക്കുന്നു. മികച്ച ആൻ്റി- ഓക്സിഡൻ്റായും ഇത് പ്രവർത്തിക്കുന്നു. ത്വക്കിലുണ്ടാകുന്ന ചുവപ്പ്, തിണർപ്പ്, ചൊറിച്ചിൽ, വീക്കം എന്നിവയെ കുറയ്ക്കാനും ഇതിനാകും.
മോയ്സ്ചറൈസിംഗ് ഓയിലുകളിലടങ്ങിയിട്ടുള്ള പാൽമിറ്റോലിക് ആസിഡ് കുക്കുമ്പർ സീഡ് ഓയിലിൽ അടങ്ങിയിരിക്കുന്നു. ചർമ്മത്തിന്റെ ആരോഗ്യം വർദ്ധിപ്പിക്കാനും മൃദുത്വം വീണ്ടെടുക്കാനും ഇത് സഹായിക്കുന്നു.
പ്രകൃതിദത്ത ഫാറ്റി ആസിഡായ മിറിസ്റ്റിക് ആസിഡ് കൊണ്ട് സമ്പന്നമാണ് കുക്കുമ്പർ സീഡ് ഓയിൽ. ഇത് പ്രകൃതിദത്ത ആൻറി-ഇൻഫ്ലമേറ്ററി ഏജൻ്റായി പ്രവർത്തിക്കുന്നു.
ഒമേഗ-3 ഫാറ്റി ആസിഡുകൾ അടങ്ങിയിട്ടുള്ളതിനാൽ മുടി വളർച്ചയെ പ്രോത്സാഹിപ്പിക്കുന്നു. മുടി പൊട്ടുന്നത് തടയുന്ന ലിനോലെയിക് ആസിഡിൻ്രെ അംശവും ഇതിലടങ്ങിയിട്ടുണ്ട്.
മിനുസമാർന്ന ചർമത്തിന് കുക്കുമ്പർ സീഡ് ഓയിൽ ഉപയോഗിക്കാവുന്നതാണ്. സ്റ്റിയറിക് ആസിഡാണ് ഇതിന് പിന്നിൽ. ചർമത്തിൽ ജലാംശം നിലനിർത്താനും വരൾച്ചയെ തടയാനും സഹായിക്കുന്നു.
കൊളാജൻ ഉത്പാദനം പ്രോത്സാഹിപ്പിക്കുന്നു. വിറ്റാമിൻ ഇ സമ്പന്നമാണ് കുക്കുമ്പർ സീഡ് ഓയിൽ.
യുവത്വം നിലനിർത്താനും ചുളിവുകൾ അകറ്റാനും സഹായിക്കുന്നു.
