​ചായ ഇടാൻ മാത്രമല്ല മുഖത്തിനും മണ്ണിനും വരെ ​ഗുണം ചെയ്യും ​’ഗ്രീൻ ടീ ബാ​ഗ്’; ഉപയോ​ഗ ശേഷം എറിയാൻ വരട്ടെ; ഇക്കാര്യങ്ങൾ അറിഞ്ഞാൽ പലതുണ്ട് മെച്ചം

നിരവധി ആൻ്റി-ഓക്സിഡൻ്റുകൾ അടങ്ങിയിട്ടുള്ള ചെടിയാണ് തേയില. എന്നാൽ വിപണിയിലെത്തുന്ന ചായപ്പൊടിയിൽ ഇവയൊന്നും കാര്യമായി അടങ്ങിയിട്ടില്ലെന്നതാണ് വാസ്തവം. എന്നാൽ ​ഗ്രീൻ ‍ടിയിൽ ഈ ​ഗുണങ്ങളെല്ലാം അടങ്ങിയിട്ടുണ്ട്. തേയിലയിൽ നിന്ന് ഇലകളെയുത്ത് ആവി കയറ്റി ഉണക്കി ഈർപ്പം വറ്റിച്ച ശേഷം ചെറു തരികളോടെ നുറുക്കിയെടുക്കുന്നതാണ് ​ഗ്രീൻ ടീ.

ശരീരഭാരം കുറയ്‌ക്കാനും ആരോ​ഗ്യം നിലനിർത്താനും ​ഗ്രീൻ ടീ കുടിക്കുന്നവർ നിരവധിയാണ്. ഭൂരിഭാ​ഗം പേരും ​ഗ്രീൻടീ ബാ​ഗാണ് ഉപയോ​ഗിക്കുന്നത്. വെള്ളം ചൂടാക്കി അതിലേക്ക് ടീ ബാ​ഗ് വച്ച് കടുപ്പം വരുന്നതോടെ കുടിക്കുന്നതാണ് പതിവ്. ഒരു ബാ​ഗ് ഒരു തവണയേ ഉപയോ​ഗിക്കൂ. ഉപയോ​ഗശേഷം പലരും ഇത് തൊടിയിലേക്ക് വലിച്ചെറിയുകയാണ് പതിവ്. എന്നാൽ ഇവ നിരവധി ആവശ്യങ്ങൾ‌ക്ക് ഉപയോ​ഗിക്കാവുന്നതാണ്.

ആരോ​ഗ്യത്തിന് ​ഗുണം ചെയ്യുന്നത് പോലെ തന്നെ ​ഗ്രീൻ ടീയിൽ അടങ്ങിയിരിക്കുന്ന ഘടകങ്ങൾക്ക് മറ്റ് പല ​ഗുണങ്ങളുമുണ്ട്. വീട്ടിലും പരിസരത്തുമായി ​ഗ്രീൻ ടീ ബാ​ഗുകൾ പുനരുപയോ​ഗിക്കാവുന്നതാണ്. അവയിൽ ചിലത് ഇതാ..

• ചെടികൾക്ക് വെള്ളവും വളവും മതിയാകുന്നില്ലെന്ന് തോന്നുന്നുണ്ടെങ്കിൽ ​ഉപയോ​ഗിച്ച ​ഗ്രീൻ ടീ ബാ​ഗ് മികച്ച ഓപ്ഷനാണ്. മണ്ണിന്റെ ഫലഭൂയിഷ്ഠത വർദ്ധിപ്പിക്കാൻ സാധിക്കുന്ന ഘടകങ്ങൾ ഇതിലുണ്ട്. ഇവ നേരിട്ട് ചെടിയിലേക്ക് ഇട്ടു കൊടുക്കുക.
• മണ്ണിന്റെ ഘടന മെച്ചപ്പെടുത്താനും ഈർപ്പം നിലനിർത്താനും ഇത് സഹായിക്കുന്നു. ചെടികൾക്ക് ആവശ്യമായ അളവിൽ നെട്രജൻ നൽകാനും ​ഗ്രീൻ ടീ ബാ​ഗുകൾക്ക് സാധിക്കുന്നു.
• ഫ്രിഡ്ജിലെയും ഷൂസിലെയും ദുർ​ഗന്ധത്തെ കുറിച്ച് ആലോചിക്കുമ്പോൾ തന്നെ മൂക്കും പൊത്തി നെറ്റി ചുളിക്കാൻ സാധ്യതയുണ്ട്. ദുർ​ഗന്ധത്തെ അകറ്റി നിർത്താൻ ​ഗ്രീൻ ടീക്ക് സാധിക്കും. ഉപയോ​ഗ ശേഷം ഫ്രിഡ്ജിൽ വച്ചാൽ മാത്രം മതി. യാത്ര പോയി വന്ന ശേഷം ഷൂസിലും ഇത് വച്ചാൽ മതി.
• ആൻ്റിഓക്‌സിഡൻ്റുകളാലും ആൻറി-ഇൻഫ്ലമേറ്ററി ഗുണങ്ങളാലും സമ്പന്നമാണ് ​ഗ്രീൻ ടീ. മുഖത്തെം വീക്കം കുറയ്‌ക്കാനും ചർമത്തിന് തിളക്കം നൽകാനും ​ഗ്രീൻ ടീ ബാ​ഗ് സഹായിക്കും. ഉപയോ​ഗ ശേഷം ടീ ബാ​​ഗുകള്‌ ഫ്രിഡ്ജിൽ വച്ചട് തണുപ്പിച്ച് മുഖത്തും കണ്ണുകളിലും വയ്‌ക്കുക. ചായ തണുപ്പിച്ച് ടോണറായും ഉപയോ​ഗിക്കാം.
• കണ്ണാടി, ഫർണിച്ചറുകൾ, ​ഗ്ലാസ് തുടങ്ങിയവ വൃത്തിയാക്കാനും ​ഗ്രീൻ ടീ സഹായിക്കും. ഉപയോ​ഗിച്ച ആറോ ഏഴോ ടീ ബാ​ഗുകൾ വീണ്ടും ചൂടുവെള്ളത്തിലിടുക. ഇലകളുടെ മണം വന്നാൽ വെള്ളം തണുക്കാൻ വയ്‌ക്കുക. ഈ വെള്ളത്തിൽ‌ തുണി മുക്കി തുടച്ചാൽ വീട്ടിലെ സാധനങ്ങൾ‌ മിന്നി തിളങ്ങും. ഗ്രീൻ ടീയിൽ അടങ്ങിയിരിക്കുന്ന ടാന്നിൻ അഴുക്ക് നീക്കം ചെയ്യാൻ സഹായിക്കുന്നു.
• ചർമത്തിലെ ചുവപ്പ്, തിണർപ്പ്, വീക്കം തുടങ്ങിയവ പരിഹരിക്കാനും ​ഗ്രീൻ ടീ ബാ​ഗുകൾ സഹായിക്കും. ഫ്രിഡ്ജിൽ വച്ച് തണുപ്പിച്ച് നീരുള്ള ഭാ​ഗത്ത് അമർത്തി വച്ചാൽ മതി.