ഫിറ്റ്നെസിനായി ഏതറ്റം വരെയും പോകുന്നവരാണ് ഭൂരിഭാഗം പേരും. ഭാരം നിയന്ത്രിക്കാൻ സഹായിക്കുന്ന ചില ഭക്ഷണങ്ങളും മിക്കവരും ശീലമാക്കുന്നു. അവയിൽ പ്രമുഖരാണ് ഇഞ്ചിയും ഉലുവയും. രാവിലെ വെറും വയറ്റിലാണ് പലരും ഇത് കുടിക്കുന്നത്. മെറ്റബോളിസത്തെ മെച്ചപ്പെടുത്താനും ദഹനത്തെ സഹായിക്കുകയും ചെയ്യുന്ന ഇവ വയറിലെ കൊഴുപ്പ് കുറയ്ക്കുന്നതിന് ഫലപ്രദമാണ്.
എന്നാൽ രാവിലെ ഇഞ്ചി വെള്ളമാണോ ഉലുവാ വെള്ളമാണോ കൂടുതൽ ഗുണങ്ങൾ നൽകുന്നതെന്ന സംശയം പലർക്കുമുണ്ടാകും. ഇവയുടെ ഗുണങ്ങളറിയാം..
വെറും വയറ്റിൽ ഇഞ്ചി വെള്ളം കുടിക്കുന്നതിന്റെ ഗുണങ്ങൾ
- കലോറി എരിച്ച് കളയാൻ ബെസ്റ്റാണ് ഇഞ്ചി വെള്ളം. ഇതിലെ തെർമോജെനിക് ഗുണങ്ങളാണ് ഇതിന് പിന്നിൽ.
- കൊളസ്ട്രോൾ കുറയ്ക്കുന്നതിലും പ്രധന പങ്ക് വഹിക്കുന്നു. നല്ല കൊളസ്ട്രോളിന്റെ ഉത്പാദനം കൂട്ടാനും ഇത് സഹായിക്കുന്നു.
- ശരീരത്തിൽ ജലാംശം നിലനിർത്തുന്നു.
- സോഡിയം നിലനിർത്തുന്നു.
- ജിഞ്ചറോൾ എന്ന സംയുക്തം ദഹനം മെച്ചപ്പെടുത്തുന്നു.
വെറും വയറ്റിൽ ഉലുവാ വെള്ളം കുടിക്കുന്നതിന്റെ ഗുണങ്ങൾ
- ഉലുവയിലെ ഗാലക്ടോമന്നൻ എന്ന ഘടകമാണ് വിശപ്പ് നിയന്ത്രിക്കുന്നത്. ഇത് മെറ്റബോളിസത്തെയും മെച്ചപ്പെടുത്തുന്നു.
- വെള്ളത്തിൽ ലയിക്കുന്ന നാരുകൾ ഉലുവയിൽ അടങ്ങിയിട്ടുണ്ട്. ദഹനക്കേട്, വയറിളക്കം, മലബന്ധം തുടങ്ങിയ ദഹന പ്രശ്നങ്ങൾ ഒഴിവാക്കുന്നു. ശരീരത്തിലെ വിഷവസ്തുക്കളെ നീക്കം ചെയ്യാനും മലവിസർജ്ജനം മെച്ചപ്പെടുത്താനും സഹായിക്കുന്നു.
- ചീത്ത കൊളസ്ട്രോളിന്റെ അളവ് കുറയ്ക്കാൻ സഹായിക്കുന്നു. ഹൃദയാരോഗ്യത്തിന് സഹായകമാണ്.
ഇഞ്ചി വെള്ളവും ഉലുവ വെള്ളവും അവയുടെ അതിശയകരമായ സജീവ സംയുക്തങ്ങളും ഉയർന്ന ഫൈബർ അളവും കാരണം വയറിലെ കൊഴുപ്പ് കുറയ്ക്കാൻ ഫലപ്രദമാണ്. അവ രണ്ടും വിശപ്പ് കുറയ്ക്കാൻ സഹായിക്കുന്നു.
