14 വർഷത്തെ ഇടവേളയ്‌ക്ക് ശേഷം ബോളിവുഡിലെ ഹിറ്റ് ജോഡികൾ ഒരുമിക്കുന്നു. സംവിധായകൻ പ്രിയദർശനും നടൻ അക്ഷയ്കുമാറുമാണ് നീണ്ട ഇടവേളയ്‌ക്ക് ശേഷം ഒരു ചിത്രത്തിനായി ഒരുമിക്കുന്നത്. ഇത്തവണ ഹൊറർ കോമഡി ചിത്രമാണ് അണിയറയിൽ ഒരുങ്ങുന്നത്. “ഭൂത് ബംഗ്ലാ” എന്ന് പേരിട്ടിരിക്കുന്ന ചിത്രം ഏക്ത കപൂറും അക്ഷയ് കുമാറും ചേർന്നാണ് നിർമിക്കുന്നത്.
2010 ൽ പുറത്തിറങ്ങിയ ഖാട്ടാ മീട്ടയിലാണ് പ്രിയനും അക്ഷയിയും അവസാനം ഒരുമിച്ചത്. അക്ഷയ്കുമാറിന്റെ ജന്മദിനത്തിന്റെ ഭാഗമായി പുതിയ ചിത്രത്തിന്റെ മോഷൻ പോസ്റ്റർ പുറത്തിറക്കിയിരുന്നു. അക്ഷയ് കുമാറും പ്രിയദർശനും മുമ്പ് ഹേരാ ഫേരി, ഭൂൽ ഭുലയ്യ, ഗരം മസാല, ദേ ദനാ ദൻ തുടങ്ങിയ ചിത്രങ്ങളിൽ ഒന്നിച്ചിരുന്നു. 2025ന് പുതിയ ചിത്രം തിയറ്ററിലെത്തും. 2021ൽ പുറത്തിറങ്ങിയ ‘ഹങ്കാമ 2’വിനു ശേഷം പ്രിയദർശൻ സംവിധാനം ചെയ്യുന്ന ബോളിവുഡ് ചിത്രമാണ് ഭൂത് ബംഗ്ലാ.
Thank you for your love on my birthday, year after year! Celebrating this year with the first look of ‘Bhooth Bangla’! I’m beyond excited to join forces with Priyadarshan again after 14 years. This dream collaboration has been a long time coming… can’t wait to share this… pic.twitter.com/2Wnim0mWBu
— Akshay Kumar (@akshaykumar) September 9, 2024
