ലോക നന്മയ്‌ക്കായി..; സുപ്രീം കോടതി ചീഫ് ജസ്റ്റിസിന്റെ വസതിയിൽ ഗണേശ പൂജ; ഭഗവാന് വിളക്ക് തെളിയിച്ച് പ്രധാനമന്ത്രി

ന്യൂഡൽഹി: സുപ്രീം കോടതി ചീഫ് ജസ്റ്റിസ് ഡി വൈ ചന്ദ്രചൂഡിന്റെ വസതിയിൽ സംഘടിപ്പിച്ച ഗണേശ പൂജയിൽ പങ്കെടുത്ത് പ്രധാനമന്ത്രി നരേന്ദ്രമോദി. ലോകത്തിലെ ഓരോരുത്തർക്കും സന്തോഷവും, ഐശ്വര്യവും ആരോഗ്യവും സർവ്വേശ്വരൻ അനുഗ്രഹിച്ച് നൽകട്ടെയെന്ന് പ്രധാനമന്ത്രി പ്രാർത്ഥിച്ചു.

ന്യൂഡൽഹിയിലെ വസതിയിലെത്തിയ പ്രധാനമന്ത്രിയെ ചീഫ് ജസ്റ്റിസ് ഡി വൈ ചന്ദ്രചൂഡും ഭാര്യ കൽപന ദാസും ചേർന്ന് സ്വീകരിച്ചു. സമാധാനവും ഐശ്വര്യ പൂർണവുമായ ജീവിതം എന്നും ലഭിക്കട്ടെയെന്നും സന്തോഷത്തോടെ ജീവിക്കാൻ സാധിക്കട്ടെയെന്നും പ്രധാനമന്ത്രി ഇരുവരെയും ആശംസിച്ചു.

Joined Ganesh Puja at the residence of CJI, Justice DY Chandrachud Ji.

May Bhagwan Shri Ganesh bless us all with happiness, prosperity and wonderful health. pic.twitter.com/dfWlR7elky

— Narendra Modi (@narendramodi) September 11, 2024

സെപ്തംബർ 7നായിരുന്നു വിനായക ചതുർത്ഥി. 10 ദിവസം നീണ്ടുനിൽക്കുന്ന പൂജകളും ചടങ്ങുകളുമാണ് വിനായക ചതുർത്ഥിക്കുള്ളത്. വിഘ്‌നങ്ങൾ തീർക്കുന്ന ദേവനാണ് ഗണപതിയെന്നാണ് വിശ്വാസം. ഈ സമയങ്ങളിൽ അദ്ദേഹത്തിനായി പ്രത്യേകം പൂജകളും നിവേദ്യങ്ങളും അർപ്പിച്ച് ജനങ്ങൾ പ്രാർത്ഥിക്കുന്നു.