മലപ്പുറം: പിവി അൻവർ എംഎൽഎയെ ലീഗിലേക്കും യുഡിഎഫിലേക്കും സ്വാഗതം ചെയത് മുസ്ലീം ലീഗ് നിലമ്പൂർ മണ്ഡലം പ്രസിഡന്റ് ഇഖ്ബാൽ മുണ്ടേരി. മുഖ്യമന്ത്രിയും അദ്ദേഹത്തിന്റെ ഓഫീസും എല്ലാതരം അഴിമതികളുടെയും കൂത്തരങ്ങായി മാറിയിട്ടുണ്ടെന്നും പറഞ്ഞുകൊണ്ടിരിക്കുന്ന മുസ്ലിം ലീഗിന്റെയും യുഡിഎഫിന്റേയും നിലപാടാണ് സത്യമെന്ന് തിരിച്ചറിഞ്ഞ് അതിന്റെ കൂടെ നിൽക്കാൻ പഴയ കോൺഗ്രസുകാരനായ അൻവർ തയ്യാറാവുന്ന ഘട്ടം വരുമെന്ന് ആയിരുന്നു ഇഖ്ബാൽ മുണ്ടേരിയുടെ വാക്കുകൾ. എന്നാൽ മാദ്ധ്യമങ്ങളിൽ വാർത്തയായി വിവാദമായതോടെ ഇഖ്ബാൽ പോസ്റ്റ് മുക്കി.
പിവി അൻവർ പറയുന്ന പല കാര്യങ്ങളും സത്യമാണ്. പക്ഷെ അത് അംഗീകരിക്കാൻ പിണറായി വിജയന് കഴിയില്ല അതിന് പല കാരണങ്ങളും ഉണ്ടെന്ന് പറഞ്ഞാണ് ഇഖ്ബൽ മുണ്ടേരിയുടെ പോസ്്റ്റ് ആരംഭിക്കുന്നത്. അൻവറിന്റെ ചിത്രം സഹിതമായിരുന്നു പോസ്റ്റ്. അൻവർ പെട്ടന്ന് ആർക്കും മുൻപിൽ വഴങ്ങുന്ന പ്രകൃതക്കാരനല്ല. പിണറായിക്ക് ആണെങ്കിൽ തന്റെ മുൻപിൽ വഴങ്ങാത്തവരോട് കട്ടക്കലിപ്പുമാണെന്ന് ഇഖ്ബാൽ കുറിക്കുന്നു.
യഥാർത്ഥ പിണറായി വിജയൻ ആരാണെന്ന് കൃത്യമായി മനസിലാക്കുന്നത് മൂന്നാം ഘട്ടത്തിൽ ആണെന്നും ഒന്നാം ഘട്ടം അൻവറിന്റെ യുദ്ധപ്രഖ്യാപനഘട്ടമായിരുന്നുവെന്നും ഇഖ്ബാൽ പറഞ്ഞു. അതേസമയം വിവാദമായതോടെ പോസ്റ്റ് ഇഖ്ബാൽ മുണ്ടേരി മുക്കി. അപ്രസക്തമായ കാര്യങ്ങളെക്കുറിച്ച് ചോദിക്കരുതെന്ന് ആയിരുന്നു കുഞ്ഞാലിക്കുട്ടിയുടെ പ്രതികരണം.
