നാടെങ്ങും ദസറ, നവരാത്രി ആഘോഷങ്ങളുടെ ഒരുക്കത്തിലാണ്. . ഇതോടൊപ്പം തിരുപ്പതി തിരുമല ക്ഷേത്രവും ബ്രഹ്മോത്സവത്തിനായി ഒരുങ്ങിയിരിക്കുകയാണ്.ബ്രഹ്മോത്സവം തിരുപ്പതിയിലെ ഏറ്റവും പ്രധാന ആഘോഷങ്ങളിലൊന്നാണ്. ആയിരക്കണക്കിനാളുകളാണ് ഈ ദിവസങ്ങളിൽ തിരുപ്പതി ക്ഷേത്രത്തിലെത്തുന്നത്. വിശ്വാസികൾ കാത്തിരിക്കുന്ന ബ്രഹ്മോത്സവത്തിൽ വലിയ പ്രദക്ഷിണം ഉൾപ്പെടെയുള്ള ചടങ്ങുകൾ ആണ് നടക്കുന്നത്.
ഒന്നാം ദിനം ശേഷാദ്രിനാഥനെ പല്ലക്കിലും രണ്ടാം ദിനത്തില് ശേഷവാഹനത്തിലും , മൂന്നാം ദിനം സിംഹവാഹനത്തിലും പവിഴം കൊണ്ടുള്ള മണ്ഡപത്തിലും , നാലാം ദിനം കല്പവൃക്ഷ വാഹനത്തിലും വൈകുന്നേരം സ്വര്ണ്ണ മണ്ഡപത്തിലും എഴുന്നള്ളിക്കും . അഞ്ചാം ദിനം കഴിഞ്ഞ നാലു ദിനങ്ങളില് നിന്നും വ്യത്യസ്തമായി മോഹിനി വേഷത്തിലാണ് ഭഗവാന് എഴുന്നള്ളുകആറാം ദിനത്തില് ഐരാവതത്തിന്െറ പുറത്തും, ഏഴാം ദിനം സൂര്യചന്ദ്രന്മാരാകുന്ന വാഹനങ്ങളിലും, എട്ടാം ദിനം സ്വര്ണ്ണരഥത്തിലുമാണ് വെങ്കിടേശ്വര ഭഗവാൻ എഴുന്നള്ളുക.
ഇത്തവണ തിരുമല തിരുപ്പതി ദേവസ്ഥാനം വെങ്കിടാചലപതി ക്ഷേത്രത്തിലെ ബ്രഹ്മോത്സവം ഒക്ടോബർ നാലിന് ആരംഭിക്കും. 12-ന് കൊടിയിറങ്ങും. 365 ദിവസങ്ങളിലായി 450-ലധികം ഉത്സവങ്ങളാണ് തിരുപ്പതിയിൽ നടക്കുന്നത് . സഹസ്രനാമാർച്ചന തുടങ്ങിയ നിത്യോത്സവം, അഷ്ടദള പാദപത്മരാധന, തിരുപ്പാവട, ശുക്രവാരാഭിഷേകം തുടങ്ങി സപ്താഹങ്ങൾ, രോഹിണി, ആരുദ്ര, പുനർവസു, ശ്രാവണം, തിരുമഞ്ജനം, ഉഗാദി ആസ്ഥാനം, തേപ്പോസ്താഭിഷേകം തുടങ്ങിയ വർഷം മുഴുവൻ ആഘോഷത്തിലാണ് തിരുപ്പതി .
ഉത്സവമൂർത്തി ശ്രീ മലയപ്പ സ്വാമി, ശ്രീദേവി ഭൂദേവി എന്ന ദ്വിമൂർത്തികളോടുകൂടെ സർവ്വ സൗന്ദര്യത്താലും അലങ്കരിച്ചാണ് ഈ അവസരങ്ങളിൽ ഭഗവാൻ എഴുന്നള്ളുന്നത് .
