വീണ്ടും കുറഞ്ഞ നിരക്കിൽ മികച്ച ആനുകൂല്യങ്ങൾ നൽകുന്ന പ്ലാനുമായി ബിഎസ്എൻഎൽ. 60 ദിവസത്തെ വാലിഡിറ്റി നൽകുന്ന 345 രൂപയുടെ പ്ലാനാണ് അവതരിപ്പിച്ചിരിക്കുന്നത്. പ്രതിദിനം 1ജിബി ഡാറ്റ, അൺലിമിറ്റഡ് കോളും പ്രതിദിനം 100 എസ്എംഎസും നൽകുന്നു.
മറ്റ് ടെലികോം കമ്പനികളുടെ പ്ലാനുകളിൽ നിന്ന് ബിഎസ്എൻഎല്ലിന്റെ ഈ പ്ലാൻ വ്യത്യസ്തമാകുന്നത് കുറഞ്ഞ നിരക്ക് കൊണ്ടുതന്നെയാണ്. ഇത്ര കുറഞ്ഞ നിരക്കിൽ 1 ജിബി ഡാറ്റ നൽകുന്ന പ്ലാനുകൾ വേറെയില്ലെന്നത് തന്നെയാണ് വാസ്തവം. വളരെ കുറച്ച് മാത്രം ഡാറ്റ ഉപയോഗിക്കുന്നവർക്കും സെക്കൻഡറിയായി ഉപയോഗിക്കുന്നവർക്കും ഈ പ്ലാൻ ഉപകാരപ്രദമായിരിക്കും. മറ്റ് ടെലികോം കമ്പനികൾ 60 ദിവസത്തെ വാലിഡിറ്റിയുള്ള പ്ലാൻ വാഗ്ദാനം ചെയ്യുന്നില്ലെന്നതും ഇതിനോട് ചേർത്ത് വായിക്കേണ്ടതാണ്.
