ലക്നൗ: രാജ്യത്തെ എല്ലാ പൗരന്മാർക്കും നവരാത്രി ആശംസകൾ അറിയിച്ച് ഉത്തർപ്രദേശ് മുഖ്യമന്ത്രി യോഗി ആദിത്യനാഥ്. എല്ലാവരുടെ ജീവിതത്തിലും സന്തോഷവും സമാധാനവും ലഭിക്കട്ടെയെന്ന് യുപി മുഖ്യമന്ത്രി എക്സിൽ കുറിച്ചു.
നവരാത്രിയുടെ ആരംഭത്തിൽ എല്ലാ വിശ്വാസികൾക്കും ഹൃദയം നിറഞ്ഞ ആശംസകൾ അറിയിക്കുന്നു. എല്ലാവരുടെ ജീവിതത്തിലും സന്തോഷവും സമാധാനവും സമൃദ്ധിയും ആരോഗ്യവും നൽകി ദേവി അനുഗ്രഹിക്കട്ടെ. ഇതാണ് എന്നും എന്റെ പ്രാർത്ഥനയെന്ന് മുഖ്യമന്ത്രി എക്സിൽ കുറിച്ചു.
പ്രധാനമന്ത്രി നരേന്ദ്രമോദിയും ഭാരതീയർക്ക് ആശംസകൾ നേർന്നു. നവരാത്രി ആരംഭമായ ഇന്ന് രാജ്യത്തെ എല്ലാവർക്കും വേണ്ടി പ്രാർത്ഥിക്കുന്നുവെന്ന് പ്രധാനമന്ത്രി എക്സിലൂടെ അറിയിച്ചു. എല്ലാവർക്കും ദേവിയുടെ അനുഗ്രഹം ലഭിക്കട്ടെയെന്നും പ്രധാനമന്ത്രി പറഞ്ഞു.
കേന്ദ്ര ആഭ്യന്തരമന്ത്രി അമിത് ഷാ, ബിജെപി ദേശീയ അദ്ധ്യക്ഷൻ ജെപി നദ്ദ, മദ്ധ്യപ്രദേശ് മുഖ്യമന്ത്രി മോഹൻ യാദവ്, അസം മുഖ്യമന്ത്രി ഹിമന്ത ബിശ്വ ശർമ എന്നിവരും ഭാരതീയർക്ക് നവരാത്രി ആശംസകൾ നേർന്നു.
ഒമ്പത് രാത്രികൾ നീണ്ടുനിൽക്കുന്ന പവിത്രമായ ഉത്സവമാണ് നവരാത്രി. ദേവിയുടെ വ്യത്യസ്ത മൂർത്തി ഭാവങ്ങളെയാണ് ഓരോ ദിവസവും അടയാളപ്പെടുത്തുന്നത്. രാജ്യത്തുടനീളമുള്ള വിശ്വാസികൾ നവരാത്രി ദിവസം വിവിധ ആചാരാനുഷ്ഠാനങ്ങളോടെ ആഘോഷിക്കുന്നു.
