തിരുവനന്തപുരം: പാരമ്പര്യ വിധി പ്രകാരം വിദ്യാരംഭം നടത്താൻ അവസരം ഒരുക്കി ജനം സൗഹൃദവേദി. ത്രിമൂർത്തികളുടെ സ്നാനഘട്ടായ മലപ്പുറം തിരുനാവായ നാവാമുകുന്ദ ക്ഷേത്രത്തിലുൾപ്പെടെയാണ് വേദാചാര പ്രകാരമുളള വിദ്യാരംഭത്തിന് ജനം സൗഹൃദവേദി അവസരമൊരുക്കുന്നത്.
ജീവിതത്തിലെ ഏറ്റവും പ്രധാനപ്പെട്ട ചടങ്ങായ വിദ്യാരംഭം ഏറെ പവിത്രതയോടും ശാസ്ത്രീയമായും ചെയ്യേണ്ട ഒന്നാണ്. എന്നാൽ അത് കച്ചവടത്തിനുള്ള അവസരമായി മാറിക്കഴിഞ്ഞു. ഇതിൽ നിന്ന് മോചനമൊരുക്കാനാണ് ജനം സൗഹൃദവേദി പാരമ്പര്യ വിധി പ്രകാരം വിദ്യാരംഭത്തിന് അവസരമൊരുക്കി രംഗത്ത് വരുന്നതെന്ന് ജനം സൗഹൃദവേദി സിഇഒ സന്ദീപ് വാചസ്പതി പറഞ്ഞു.
തെരഞ്ഞെടുത്ത കേന്ദ്രങ്ങളിലാണ് പാരമ്പര്യ വിധി പ്രകാരം വിദ്യാരംഭം നടത്താനുള്ള അവസരം ഒരുക്കുക. കണ്ണശ രാമായണം പിറവിയെടുത്ത തിരുവല്ല നിരണം തൃക്കപ്പാലീശ്വര ക്ഷേത്രം, ത്രിമൂർത്തികളുടെ സ്നാനഘട്ടായ മലപ്പുറം തിരുനാവായ നാവാമുകുന്ദ ക്ഷേത്രം, ആദിശങ്കരന് സരസ്വതി ദേവി പ്രത്യക്ഷമായെന്ന് വിശ്വസിക്കപ്പെടുന്ന തൃശ്ശൂർ പഴയ നടക്കാവ് തെക്കേമഠം സരസ്വതി മണ്ഡപം, തൃക്കാക്കര ശ്രീ ഭഗവതി ക്ഷേത്രം എന്നിവിടങ്ങളിൽ ഇത്തവണ വൈദിക വിധി പ്രകാരം കുഞ്ഞുങ്ങളെ എഴുത്തിനിരുത്താനുള്ള അവസരം ഉണ്ടാകുക.
നിങ്ങളുടെ കുഞ്ഞിന്റെ വിദ്യാരംഭം വേദാചാര പ്രകാരം നടത്തുവാനും കൂടുതൽ അറിയാനും ബന്ധപ്പെടാം
തിരുവല്ല : ഹരി 91 97455 10058
മലപ്പുറം : സജീഷ് 918111814835
സുധീശൻ 919745607597
തൃക്കാക്കര : ഗിരി 917558881204
ഹരിദാസ് 919995163573
തൃശൂർ : മുരളി കോളങ്ങാട്ട് 919847108235
മുരളി വെള്ളിത്തിരുത്തി 919747227326
