ചർമ്മ സൗന്ദര്യത്തിന് പ്രാധാന്യം നൽകുന്നവരാണ് നമ്മിൽ ബഹുഭൂരിപക്ഷവും. വിവിധ എണ്ണകൾ തേച്ച് ചർമ്മം മൃദുലമാക്കുന്നതിനാണ് പലപ്പോഴും നാം മുൻഗണ നൽകുക. ഇതിനായി വെളിച്ചെണ്ണ മുതൽ റോസ് ഓയിൽ വരെ ഉപയോഗിക്കുന്നവരുണ്ട്. എന്നാൽ ഇതിൽ നിന്നും അൽപം വ്യത്യസ്മാണ് മഗ്നീഷ്യം ഓയിൽ. ചർമ്മം മൃദുലമാക്കുന്നത് മാത്രമല്ല, മഗ്നീഷ്യം ഓയിലിന് ഗുണങ്ങൾ പലതാണെന്നാണ് പഠനങ്ങൾ പറയുന്നു. ഇക്കാര്യങ്ങൾ അറിഞ്ഞോളൂ..
മെച്ചപ്പെട്ട ഉറക്കം ലഭിക്കുന്നതിന്
രാത്രി കിടക്കുന്നതിന് മുൻപായി മഗ്നീഷ്യം ഓയിൽ പാദങ്ങളിൽ തേച്ച് പിടിപ്പിച്ച് 10-20 മിനിറ്റ് മസാജ് ചെയ്യുക. ഇത് മികച്ച ഉറക്കം പ്രദാനം ചെയ്യാൻ സഹായിക്കുന്നുവെന്ന് പഠനങ്ങൾ പറയുന്നു.
പേശിവേദന അകറ്റുന്നു
ദീർഘ നേരം ജോലി ചെയ്ത വരുമ്പോൾ പേശിവേദന അനുഭവപ്പെടുന്നത് സ്വാഭാവികമാണ്. ഇത് കുറയ്ക്കുന്നതിനായി മഗ്നീഷ്യം ഓയിൽ തേച്ച് മസാജ് ചെയ്യാവുന്നതാണ്.
സമ്മർദ്ദം കുറയ്ക്കുന്നതിന്
ജോലിഭാരവും മറ്റ് പ്രശ്നങ്ങൾ കൊണ്ടും സമ്മർദ്ദത്തിലിരിക്കുന്നവർക്കും ഉത്തമ പ്രതിവിധിയാണ് മഗ്നീഷ്യം ഓയിൽ. കാലുകളിൽ ഈ എണ്ണ തേച്ച് പിടിപ്പിക്കുന്നത് സമ്മർദ്ദം അകറ്റാൻ സഹായിക്കുന്ന സെറോടോണിൻ ഹോർമോണുകൾ ഉത്പാദിപ്പിക്കുന്നു.
ആർത്തവ സമയങ്ങളിലെ വേദനകൾ അകറ്റാൻ
ആർത്തവ സമയങ്ങളിൽ പേശിവേദനയും വയറുവേദനയും അനുഭവിക്കുന്നവരാണ് ബഹുഭൂരിപക്ഷം സ്ത്രീകളും. ഇത്തരം ഘട്ടങ്ങളിലും മഗ്നീഷ്യം ഓയിൽ പാദങ്ങളിൽ തേച്ച് മസാജ് ചെയ്യാം. ഇത് വേദനകൾ അകറ്റാൻ സാധിക്കുന്നു.
