അടുത്തിടെയാണ് നടിയും, മോഡലുമായ ആരാധ്യയുടെ പിറന്നാൾ ചിത്രങ്ങൾ സോഷ്യൽ മീഡിയയിൽ വൈറലായത്. സംവിധായകൻ രാം ഗോപാൽ വർമ്മയുടെ ഓഫീലായിരുന്നു ആഘോഷം . സാരി എന്നാണ് ആരാധ്യയുടെ സിനിമയുടെ പേര്. രാം ഗോപാൽ വർമയാണ് ചിത്രം അവതരിപ്പിക്കുന്നത്. വൻ ഗ്ലാമറസ് ലുക്കിലാണ് ചിത്രത്തിൽ താരം പ്രത്യക്ഷപ്പെടുന്നതെന്ന് ടീസറിൽ നിന്നും വ്യക്തമായിരുന്നു. സാരി സിനിമാ അരങ്ങേറ്റത്തിന് മുന്നോടിയായി ആരാധ്യ ദേവി എന്ന് ശ്രീലക്ഷ്മിയുടെ പേര് മാറ്റുകയും ചെയ്തിരുന്നു. ഇപ്പോഴിതാ ഗ്ലാമറസ് വേഷങ്ങൾ ചെയ്യില്ലെന്ന് മുൻപ് എടുത്ത തീരുമാനം മാറ്റിയെന്ന് പറഞ്ഞ് രംഗത്തെ ത്തിയിരിക്കുകയാണ് ആരാധ്യ
‘ഗ്ലാമറസ് വേഷങ്ങൾ ചെയ്യില്ലെന്ന് തീരുമാനം എടുത്തത് ഇരുപത്തി രണ്ടാമത്തെ വയസിലായിരുന്നു . അതിൽ ഞാൻ ഇപ്പോൾ പശ്ചാത്തപിക്കുന്നുമില്ല. കാലങ്ങൾ മാറുന്നതിനനുസരിച്ച് കാഴ്‌ച്ചപാടുകളും മാറും . നമ്മുടെ ജീവിതാനുഭവങ്ങൾ കാഴ്ചപ്പാടുകളെ മാറ്റുകയും ചെയ്യും. ആളുകളെയും കഥാപാത്രങ്ങളെയും കുറിച്ച് മുൻപ് എനിക്ക് ഉണ്ടായിരുന്ന ധാരണകൾ എല്ലാം മാറി. എന്ന് കരുതി അന്ന് ഞാൻ പറഞ്ഞ കാര്യങ്ങളിൽ എനിക്ക് വിഷമമൊന്നും ഇല്ല.
കാരണം അത് അന്നത്തെ എന്റെ മാനസികാവസ്ഥയായിരുന്നു. വ്യക്തിപരമായ തെരെഞ്ഞെടുപ്പാണ് ഗ്ലാമറസ്. എന്നെ സംബന്ധിച്ചിടത്തോളം അത് അപകീർത്തിപരമല്ല ശാക്തീകരണമാണ്. ഒരു അഭിനേത്രി എന്ന നിലയിൽ വ്യത്യസ്തമായ കഥാപാത്രങ്ങൾ വളരെ പ്രധാനമാണെന്ന് ഞാൻ കരുതുന്നുണ്ട്. ഗ്ലാമറസ് ആയതോ അല്ലാത്തതോ ആയ കഥാപാത്രങ്ങൾ ചെയ്യാൻ ഒരുക്കമാണ്. അത്തരം മികച്ച വേഷങ്ങൾക്കായി ആവേശത്തോടെ കാത്തിരിക്കുകയാണ് ഞാൻ’, എന്നാണ് ആരാധ്യ ദേവി തന്റെ സോഷ്യൽ മീഡിയ പോസ്റ്റിൽ പറയുന്നത് .
