കൊച്ചി: വീണ്ടും റെക്കോർഡ് ഭേദിച്ച് സ്വർണം. പവന് 640 രൂപ വർദ്ധിച്ച് 57,920 ആയി. ഗ്രാമിന് 80 രൂപയാണ് കൂടിയത്. സമീപകാലത്തെ ഏറ്റവും വലിയ വിലവർദ്ധനയാണ് ഇപ്പോൾ രേഖപ്പെടുത്തിയിരിക്കുന്നത്.
വെറും 80 രൂപ കൂടി വർദ്ധിച്ചാൽ സ്വർണത്തിന് 58,000 രൂപയാകും. കഴിഞ്ഞ എട്ട് മാസത്തിനിടെ 12,400 രൂരയാണ് സ്വർണത്തിന് വർദ്ധിച്ചത്. ഫെബ്രുവരിയിൽ 45,000 രൂപയായിരുന്നു സ്വർണവില.
നിലവിൽ ചരിത്രത്തിലെ ഏറ്റവും ഉയർന്ന നിരക്കിലാണ് സ്വർണവിലയുള്ളത്. ഈ മാസം രേഖപ്പെടുത്തിയ ഏറ്റവും ഉയർന്ന നിരക്കും ഇതാണ്. 18 ദിവസത്തിനിടെ പവന് 1,520 രൂപയാണ് ഉയർന്നിരിക്കുന്നത്.
