പരസ്യചിത്രങ്ങളിലൂടെ കരിയർ ആരംഭിച്ച താരമാണ് ചാഹത് ഖന്ന . ദി ഫിലിം എന്ന ചിത്രത്തിലൂടെയായിരുന്നു സിനിമാരംഗത്തേയ്‌ക്കുള്ള അരങ്ങേറ്റം. “ബഡേ അച്ചേ ലഗ്‌തേ ഹേ” എന്ന ടിവി സീരിയൽ വഴി പ്രശസ്തിയിലേയ്‌ക്ക് എത്തി താരം . അടുത്തിടെ ദേശീയ മാദ്ധ്യമത്തിന് നൽകിയ അഭിമുഖത്തിൽ ചാഹത് തന്റെ വിവാഹജീവിതത്തെ പറ്റിയും , ഇസ്ലാമിലേക്കുള്ള മതപരിവർത്തനത്തെ പറ്റിയും , ഒടുവിൽ ഹിന്ദുമതത്തിലേയ്ക്ക് തന്നെ മടങ്ങിയെത്തിയതിനെ പറ്റിയും പറഞ്ഞിരുന്നു.
2006ൽ വ്യവസായിയായ ഭരത് നർസിംഗാനിയുമായി ആയിരുന്നു ചാഹത് ഖന്നയുടെ ആദ്യ വിവാഹം. എന്നാൽ വിവാഹം കഴിഞ്ഞ് കുറച്ച് മാസങ്ങൾക്ക് ശേഷം അവർ വിവാഹമോചനം നേടി. അതിനുശേഷം 2013ൽ ഫർഹാൻ മിർസയെ വിവാഹം കഴിച്ചു. ബോളിവുഡ് എഴുത്തുകാരൻ ഷാരൂഖ് മിർസയുടെ മകനാണ് ഫർഹാൻ മിർസ. വിവാഹത്തിനായി ചാഹത് മതം മാറിയിരുന്നു.എന്നാൽ ഈ ബന്ധം 2018 ഓടെ അവസാനിച്ചു.
നിക്കാഹിന് ശേഷം ഹിന്ദു ദൈവങ്ങളെ ആരാധിക്കരുതെന്ന് ഫർഹാൻ പറഞ്ഞിരുന്നുവെന്നും , ഇന്ന് ഹിന്ദുമതത്തിലേയ്ക്ക് മടങ്ങിയെത്തിയതിൽ ഏറെ സന്തോഷിക്കുന്നുവെന്നും ചാഹത് പറഞ്ഞു .
‘ ഇസ്ലാം മതം സ്വീകരിച്ചതിൽ പശ്ചാത്താപമൊന്നുമില്ല . ഞാൻ മതവിശ്വാസിയല്ല, ആത്മീയവിശ്വാസിയാണ് . ഞാൻ എല്ലാ മതങ്ങളിലും വിശ്വസിക്കുന്നു. ക്രിസ്ത്യൻ വിശ്വാസത്തെ. ബഹുമാനിക്കുന്നു. ഒപ്പം കൃഷ്ണന്റെയും കാളിയുടെയും ഭക്തയുമാണ്. വിവാഹമോചനത്തിന് ശേഷം സ്വന്തം വേരുകളിലേക്ക് തിരികെ വരാൻ ഒരുപാട് സമയമെടുത്തു . ഇസ്ലാമിൽ വിശ്വസിക്കാനും 5 വർഷത്തോളം വേണ്ടി വന്നു . ഞാൻ എന്റെ സനാതൻ ധർമ്മ വേരുകളിലേക്ക് തിരിച്ചെത്തിയപ്പോൾ, പല കാര്യങ്ങളുടെയും പിന്നിലെ വലിയ സത്യങ്ങളെക്കുറിച്ച് ഞാൻ മനസ്സിലാക്കി. എനിക്ക് വളരെ നന്ദിയുണ്ട്.
കുട്ടിക്കാലത്ത്, നിങ്ങൾ ചെയ്യുന്നത് തെറ്റാണെന്ന് ഓരോ തവണയും നിങ്ങളോട് പറയുമ്പോഴും, നിങ്ങൾ വഴിതെറ്റിപ്പോകും, ബലഹീനരാകും . എനിക്കും അതുതന്നെ സംഭവിച്ചു. സനാതന ധർമ്മത്തിലേക്ക് തിരിച്ചുവരാൻ എനിക്ക് കുറച്ച് സമയമെടുത്തു. പക്ഷെ ഇന്ന് ഞാൻ സന്തോഷവതിയാണ്, സുഖമായി ഇരിക്കുന്നു.”എന്നും ചാഹത് പറഞ്ഞു.
ബ്രെയിൻ വാഷ് ചെയ്താണോ മതം മാറ്റിയതെന്ന ചോദ്യത്തിന് ‘ അത് തനിക്ക് വ്യക്തമായി അറിയില്ലെന്നും , എന്നാൽ തന്റെ ദൈവത്തെ ആരാധിക്കരുതെന്ന് പറഞ്ഞതായും ‘ ചാഹത് പറഞ്ഞു. അത് ശരിയായ രീതിയായിരുന്നില്ല. തെറ്റും ശരിയും എന്താണെന്ന് തനിക്കറിയാമെന്നും ചാഹത് പറഞ്ഞു.
