ആരാധകർക്ക് അറിവും , വിദ്യാഭ്യാസവും നൽകിയിട്ടാകണം സൂപ്പർ സ്റ്റാറുകൾ രാഷ്ട്രീയത്തിലേക്ക് വരേണ്ടതെന്ന് നടനും ചലച്ചിത്ര നിർമ്മാതാവുമായ ബോസ് വെങ്കട്. സൂര്യ നായകനാവുന്ന പുതിയ ചിത്രം കങ്കുവയുടെ ഓഡിയോ ലോഞ്ച് ചടങ്ങിൽ സംസാരിക്കുകയായിരുന്നു ബോസ് വെങ്കട് .
‘ ഒരു സൂപ്പർ സ്റ്റാർ ആരാധകരെ നയിക്കണം. സൂര്യ തന്റെ ആരാധകരുമായി ഇടപഴകുന്നത് പോലെയായിരിക്കണം അത്. ആരാധകരെ ആദ്യം നീതി പഠിപ്പിക്കുക. ദയയുള്ളവരായിരിക്കാൻ പഠിപ്പിക്കുക. ആളുകളെ ബഹുമാനിക്കാനും സംതൃപ്തമായ ജീവിതം നയിക്കാനും അവരെ പഠിപ്പിക്കുക. ശരിയും തെറ്റും മനസ്സിലാക്കാനുള്ള വിദ്യാഭ്യാസവും അറിവും അവർക്ക് നൽകുക. പിന്നെ, ഇതെല്ലാം കഴിഞ്ഞ് ഒരാൾക്ക് രാഷ്ട്രീയത്തിലേക്ക് വരാം. തലൈവരാകാം . ഒരു നേതാവ് എവിടെനിന്നും വരാം . ആരാധകരെ വിഡ്ഢികളാക്കി ഒരു നേതാവ് ജനിക്കില്ല. അവരെ അറിവുള്ളവരാക്കുക. അവരെ പഠിക്കാൻ പ്രേരിപ്പിക്കുക. സൂര്യ സാർ രാഷ്ട്രീയത്തിൽ വരണം.- ‘ വെങ്കട് പറഞ്ഞു.
നടൻ വിജയ് യുടെ രാഷ്ട്രീയ പ്രവേശനത്തിന് പിന്നാലെയാണ് വെങ്കടിന്റെ ഈ പ്രസ്താവന .
