വീണ്ടും വിവാഹത്തിനാെരുങ്ങുന്ന നാഗചൈതന്യ ഇസ്റ്റഗ്രാമിൽ നിന്ന് മുൻഭാര്യയെ നീക്കി. പുതിയ വിവാഹത്തിനു മുൻപാണ് മുൻഭാര്യക്കൊപ്പമുണ്ടായിരുന്ന ചിത്രം താരം നീക്കിയത്. സാമന്തയുമായി ബന്ധപ്പെട്ട് മൂന്ന് പോസ്റ്റുകളായിരുന്നു നാഗചൈത്യയുടെ ഇൻസ്റ്റഗ്രാമിലുണ്ടായിരുന്നത്. അതിലാെന്ന് വിവാഹമോചനം പ്രഖ്യാപിച്ച കുറിപ്പായിരുന്നു.
രണ്ടാമത്തേത് മജിലി എന്ന ചിത്രത്തിന്റെ പോസ്റ്റർ. ഇതിൽ ഇരുവരുമായിരുന്നു നായികയും നായകനുമായത്. മൂന്നാമത്തേത് ഒരു റേസിംഗ് പശ്ചാത്തലത്തിലുള്ള ചിത്രമായിരുന്നു. ഇരുവരും കാർഡോറിനരികിൽ നിൽക്കുന്ന ചിത്രത്തിൽ .ത്രോ ബാക്ക്… ‘മിസിസ് ആന്ഡ് ദി ഗേള്ഫ്രണ്ട്’ എന്ന കാപ്ഷനാണ് നൽകിയിരുന്നത്. ഈ ചിത്രമാണ് ഇപ്പോൾ ഇൻസ്റ്റഗ്രാമിൽ നിന്ന് നീക്കിയത്. ഏറെക്കാലത്തെ പ്രണയത്തിനൊടുവിൽ 2017-ലാണ് സാമന്ത-നാഗചൈതന്യ വിവാഹം ഗോവയിൽ നടന്നത്. എന്നാൽ 2021-ൽ ഇരുവരും വേർപിരിഞ്ഞു. കാരണങ്ങൾ ഇപ്പോഴും അജ്ഞാതമാണ്. ഔദ്യോഗികമായി ഇരുവരും ചേർന്നാണ് പ്രഖ്യാപനവും നടത്തിയത്.
ഇതിന് പിന്നാലെയാണ് നടി ശോഭിത ധൂലിപാലയുമായി നാഗചൈതന്യ ഡേറ്റിംഗ് ആരംഭിച്ചത്. ആദ്യമൊക്കെ ബന്ധം നിഷേധിച്ചവർ ഈ ഓഗസ്റ്റിലാണ് വിവാഹം നിശ്ചയം നടത്തിയത്. ഇതിന്റെ ചിത്രങ്ങൾ പങ്കുവച്ചിരുന്നു. ഉടനെ ഇരുവരും വിവാഹിതരാകും. തീയതി ഇതുവരെ പ്രഖ്യാപിച്ചിട്ടില്ലെങ്കിലും ചടങ്ങുകൾ ആരംഭിച്ചിരുന്നു.
