മുംബൈ സിദ്ധിവിനായക ക്ഷേത്രത്തിൽ ദർശനം നടത്തി നടൻ കാർത്തിക് ആര്യൻ . ഭൂൽ ഭുലയ്യ 3 റിലീസ് ചെയ്തതിന് പിന്നാലെയാണ് കാർത്തിക് ആര്യൻ ക്ഷേത്രത്തിൽ എത്തിയത് . ഇതിന്റെ ചിത്രങ്ങളും താരം തന്റെ ഇൻസ്റ്റാഗ്രാമിൽ പങ്ക് വച്ചു . “എന്റെ ഏറ്റവും വലിയ ദിനം വെള്ളിയാഴ്ച, നന്ദി ബപ്പ” എന്ന കുറിപ്പിനൊപ്പമാണ് ചിത്രം പോസ്റ്റ് ചെയ്തത് . ചിത്രത്തിൽ, കാർത്തിക് കൈകൾ കൂപ്പി പ്രാർത്ഥിക്കുന്നത് കാണാം.
ഹൊറർ കോമഡി വിഭാഗത്തിൽ ഒരുക്കിയ ചിത്രമാണ് ഭൂൽ ഭുലയ്യ . വിദ്യ ബാലനും മാധുരി ദീക്ഷിത്തും മികച്ച പ്രകടനമാണ് ചിത്രത്തിൽ കാഴ്ച വെച്ചിരിക്കുന്നത് .സഞ്ജയ് മിശ്ര, രാജ്പാൽ യാദവ്, അശ്വിനി കൽസേക്കർ, വിജയ് റാസ്, മനീഷ് വാധ്വ, രാജേഷ് ശർമ്മ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.2007ലായിരുന്നു ‘ഭൂൽ ഭുലയ്യ’ ആദ്യഭാഗം റിലീസ് ചെയ്തത്. പിന്നീട് ചിത്രത്തിന് രണ്ടാം ഭാഗം 2022ലായിരുന്നു എത്തിയത്.
