കൊച്ചി: ഒഡീഷ സ്വദേശിയായ യുവതി ബലാത്സംഗത്തിനിരയായ സംഭവത്തിൽ സ്വമേധയാ കേസെടുത്ത് ദേശീയ പട്ടികവർഗ കമ്മീഷൻ. സംഭവത്തിൽ കേസ് അന്വേഷിക്കുന്ന കൊച്ചി പൊലീസിനോട് കമ്മീഷൻ റിപ്പോർട്ട് തേടി. ഏഴ് ദിവസത്തിനുള്ളിൽ റിപ്പോർട്ട് സമർപ്പിക്കണമെന്നാണ് പട്ടിക വർഗ കമ്മീഷന്റെ നിർദ്ദേശം.
കൊച്ചിയിൽ വീട്ടുജോലി ചെയ്തിരുന്ന ഒഡീഷ സ്വദേശിനിയാണ് പീഡനത്തിനിരയായത്. ഇവർ പട്ടിക വർഗ വിഭാഗത്തിൽപ്പെട്ട യുവതിയാണ്. പ്രതി 75 വയസുള്ള ശിവപ്രസാദ് ഒളിവിലാണ്. ഒക്ടോബർ 17 ന് മാറാട് പൊലീസ് സ്റ്റേഷനിൽ സംഭവത്തിൽ എഫ്ഐആർ രജിസ്റ്റർ ചെയ്തിരുന്നു. എന്നാൽ ഇതുവരെയും പ്രതിയെ പിടികൂടാൻ പൊലീസിന് കഴിഞ്ഞിട്ടില്ല.
ഈ സാഹചര്യത്തിലാണ് ദേശീയ പട്ടികവർഗ കമ്മീഷന്റെ ഇടപെടൽ. മാദ്ധ്യമ വാർത്തകളുടെ അടിസ്ഥാനത്തിലാണ് കമ്മീഷൻ സ്വമേധയാ കേസെടുത്തിരിക്കുന്നത്. നേരത്തെ ദേശീയ വനിതാ കമ്മീഷനും സംഭവത്തിൽ നോട്ടീസ് അയച്ചിരുന്നു. പ്രതി സർക്കാർ സർവീസിൽ ഉണ്ടായിരുന്ന വ്യക്തിയായതിനാൽ സംരക്ഷിക്കാൻ ശ്രമിക്കുന്നതായുള്ള ആക്ഷേപങ്ങൾ ഉയർന്നിരുന്നു. ഇതിനെത്തുടർന്നാണ് കൊച്ചി പൊലീസ് കമ്മീഷണർ പുട്ട വിമലാദിത്യക്കാണ് ദേശീയ പട്ടികവർഗ കമ്മീഷൻ നോട്ടീസ് അയച്ചത്.
