റിയോ ഡി ജനീറോ: ഫ്രഞ്ച് പ്രസിഡന്റ് ഇമ്മാനുവൽ മാക്രോണുമായി കൂടിക്കാഴ്ച നടത്തി പ്രധാനമന്ത്രി നരേന്ദ്രമോദി. ജി20 യുടെ ഭാഗമായി ബ്രസീലിലെത്തിയപ്പോഴായിരുന്നു ഇരുവരും ഉഭയകക്ഷി ചർച്ചകൾ നടത്തിയത്. പാരീസ് ഒളിമ്പിക്‌സിനും, പാരാലിമ്പിക്‌സിനും വിജയകരമായി ആതിഥേയത്വം വഹിച്ചതിന് പ്രധാനമന്ത്രി, ഫ്രഞ്ച് പ്രസിഡന്റിന് അഭിനന്ദനങ്ങൾ അറിയിക്കുകയും ചെയ്തു.
” എന്റെ പ്രിയ സുഹൃത്ത്, പ്രസിഡന്റ് ഇമ്മാനുവൽ മാക്രോണിനെ കാണുന്നത് എപ്പോഴും സന്തോഷമാണ്. പാരീസ് ഒളിമ്പിക്‌സും പാരാലിമ്പിക്‌സും വിജയകരമായി ആതിഥേയത്വം വഹിച്ചതിൽ അദ്ദേഹത്തെ അഭിനന്ദിച്ചു. ബഹിരാകാശം ഉൾപ്പെടെയുള്ള മേഖലകളിൽ ഇന്ത്യയും ഫ്രാൻസും അടുത്ത് പ്രവർത്തിക്കുന്നതിനായി ചർച്ചകൾ നടത്തി.
ഊർജം, എഐ തുടങ്ങിയ മേഖലകളിലെ ഇരുരാജ്യങ്ങളും തമ്മിലുള്ള ബന്ധം വിപുലീകരിക്കാനും ചർച്ചകൾ നടത്തി.”- പ്രധാനമന്ത്രി എക്‌സിൽ കുറിച്ചു.
It is always a matter of immense joy to meet my friend, President Emmanuel Macron. Complimented him on the successful hosting of the Paris Olympics and Paralympics earlier this year. We talked about how India and France will keep working closely in sectors like space, energy, AI… pic.twitter.com/6aNxRtG8yP
— Narendra Modi (@narendramodi) November 18, 2024
ഫ്രഞ്ച് പ്രസിഡന്റിന് പുറമെ നോർവീജിയൻ പ്രധാനമന്ത്രി ജോനാസ് ഗഹർ സ്‌റ്റോറുമായും പ്രധാനമന്ത്രി കൂടിക്കാഴ്ച നടത്തി. ഇരുരാജ്യങ്ങളും തമ്മിലുള്ള നിക്ഷേപ ബന്ധം മെച്ചപ്പെടുത്തുന്നതിനുള്ള ചർച്ചകൾ ചെയ്തതായി പ്രധാനമന്ത്രി കുറിച്ചു.
